影片
更多
2011-07-26
56 瀏覽
自從擁有家庭及公司搬了上深圳之後. 要數一數同網友歡聚的時間, 真的少之又少. 是日飯局, 同太太申請已久. 又夾著天時地利同人和, 好讓我這天不用上大陸, 可以準時到達, 出席新相識網友, 龍五的大喜牛一. 而是日安排的, 是一頓純河鮮的百魚宴. 認真有特色.打響頭炮的, 是一個魚頭湯. 天麻魚頭湯, 魚頭煲湯, 非常之常見, 但煲過之後仍然清澈見底也是第一次見. 此魚湯, 味道非常之新鮮, 鮮味的魚味, 有少少腥, 但湯配料的藥材剛好搭救, 而且有少少麻的感覺. 清甜醒胃. 樂壽特式拼盤, 米通鯪魚球，煎釀虎尖椒，煎藕餅三款. 鯪魚球, 不知道是不是先入為主的關係. 食過多次, 始終都覺得羅富記做得最好, 最腥大夾臭. 此等鯪魚球, 一定要點上蜆介醬才好食, 食落更腥又臭........但此一物, 我感覺唔夠腥臭, 加了米通只是令賣相好看一點而已. 煎釀虎尖椒, 不太油膩, 但略嫌腍左少少. 辣度適中. 不過, 若是爽口多一丁點更好. 煎藕餅, 是三款小食中, 最好食的一種, 香‧脆‧爽‧甜, 已經能充份的形容這個美味的煎藕餅. 焗魚
打響頭炮的, 是一個魚頭湯. 天麻魚頭湯, 魚頭煲湯, 非常之常見, 但煲過之後仍然清澈見底也是第一次見. 此魚湯, 味道非常之新鮮, 鮮味的魚味, 有少少腥, 但湯配料的藥材剛好搭救, 而且有少少麻的感覺. 清甜醒胃.
樂壽特式拼盤, 米通鯪魚球，煎釀虎尖椒，煎藕餅三款. 鯪魚球, 不知道是不是先入為主的關係. 食過多次, 始終都覺得羅富記做得最好, 最腥大夾臭. 此等鯪魚球, 一定要點上蜆介醬才好食, 食落更腥又臭........但此一物, 我感覺唔夠腥臭, 加了米通只是令賣相好看一點而已. 煎釀虎尖椒, 不太油膩, 但略嫌腍左少少. 辣度適中. 不過, 若是爽口多一丁點更好. 煎藕餅, 是三款小食中, 最好食的一種, 香‧脆‧爽‧甜, 已經能充份的形容這個美味的煎藕餅.
焗魚腸, 也是一味腥味極重的菜式, 不過這個處理得好好, 不是人人受得的腥味不重. 而且焗到成個布甸般. 不單只是色水, 連口感也似一似. 不過, 好像不太受歡迎, 尤其是一眾女士們.
煎焗魚咀, 剛好分到一人一隻. 連蔥也一併而出. 味道雖然香脆可口, 但略嫌魚頭唔夠肉. 雖然是卜卜脆, 但骨感太重. 咀唔過.
煎金錢魚片, 用的是我未聽過的啜魚. 把魚肉切成一塊塊, 再炸得金黃. 出來是, 像一塊執金錢般, 胡冠此名. 味道上, 用上等豉油去煎到香, 食落非常之惹味.
一魚, 原來有兩味, 子薑欖角蒸啜魚頭腩, 說明是煞腩, 當然是又滑又好肉啦. 啜魚的肉質比較結實, 結實得黎又夠哂滑. 再用欖角同子薑去增強味道. 很是不錯.
煎焗鮮鮑魚, 用的是本地鮑. 用上焗的方法去製作鮮鮑, 起初都怕佢會非常之韌, 但一咬, 除了美妙地把醃材鎖死在鮑魚內, 容易離殼, 肉質又香又夠腍, 彈牙口感足, 味道鮮香甜. 我可以說, 一流.
豉汁蒸馬面骨, 這是什麼魚我真的不太清楚, 只知道豉汁香口, 魚肉細滑, 起初我還以為是豉汁蒸鱔呢.
污糟雞, 一聽名字, 我本以為是類似乞兒雞咁既做法. 不知為何會叫污糟雞了, 因為此雞並不污糟, 成盤雞用一個銀盤, 再用錫紙封好來焗. 所以雞是非常之入味的, 所有配料加上雞油, 鎖哂入雞肉之內. 而且係焗既過程, 把蒸發了的, 倒汗咁滴返轉頭, 味道十足, 完全不走味.
清蒸山坑鯇魚, 這個, 說是野生的鯇魚, 冇咁好肉, 而且可能是運動量高. 肉質比起一般的滑同鮮美嫩滑. 而且完全沒有腥味. 同一般既蒸鯇魚, 係兩回事來的.
上湯蒜子浸莧菜, 為健康, 現在每次食飯, 總會點上一個菜. 上湯, 味道鮮甜. 莧菜夠腍, 加上應有的蒜香. 這可以說, 不錯.
豉油皇陳村粉, 味道算是好的, 不過, 該是沒有落老抽吧, 色水唔係幾夠.
美味的百魚宴就由一個果盤, 桂花糕同蛋散作為句號, 同場, 再有網友自製的小強糕來賀, 簡單的生日會, 難得的高興. 在此, 祝同樣初為人父的龍五兄. 生日快樂, 老豆同BB都一齊快高長大.
張貼
