更多
2018-02-10
1438 瀏覽
蓮香樓呢個名我細細個就聽過架喇,今日經過中環,終於有機會試下呢間香港所剩無幾ge舊式酒樓夜晚7點幾去到,已經排隊排到落樓梯底,不過等左15分鐘左右就入得,都幾快手記得以前細個去飲茶,一坐底就會有侍應夾條熱辣辣ge毛巾比你抹手,呢到都仲keep住呢個舊式習慣晚市餸菜以小菜為主,我地3隻為食貓見到咩都想食最後叫左西檸雞,琵琶豆腐,咕嚕肉同釀鯪魚,本來仲想叫招牌馬拉糕,但侍應叔叔覺得我地食唔晒咁多,叫我地食完先叫西檸雞好大舊,炸得脆口,酸度適中琵琶豆腐我都係第一次食,口感好特別,唔似普通豆腐咁簡單,係好厚肉有咬口個種咕嚕肉同出面食冇咩特別,不過可以再多幾舊肉就好喇呢個釀鯪魚好特別,佢係用鯪魚肉再釀番係一條鯪魚入面,再成條炸,好香口好好味我推薦蓮香樓比冇去過舊式酒樓飲茶ge後生仔女,等佢地可以感受一下昔日酒樓ge懷舊味道
夜晚7點幾去到,已經排隊排到落樓梯底,不過等左15分鐘左右就入得,都幾快手
記得以前細個去飲茶,一坐底就會有侍應夾條熱辣辣ge毛巾比你抹手,呢到都仲keep住呢個舊式習慣
晚市餸菜以小菜為主,我地3隻為食貓見到咩都想食最後叫左西檸雞,琵琶豆腐,咕嚕肉同釀鯪魚,本來仲想叫招牌馬拉糕,但侍應叔叔覺得我地食唔晒咁多,叫我地食完先叫
西檸雞好大舊,炸得脆口,酸度適中
琵琶豆腐我都係第一次食,口感好特別,唔似普通豆腐咁簡單,係好厚肉有咬口個種
咕嚕肉同出面食冇咩特別,不過可以再多幾舊肉就好喇
呢個釀鯪魚好特別,佢係用鯪魚肉再釀番係一條鯪魚入面,再成條炸,好香口好好味
我推薦蓮香樓比冇去過舊式酒樓飲茶ge後生仔女,等佢地可以感受一下昔日酒樓ge懷舊味道
張貼