影片
更多
2024-09-18
574 瀏覽
有次去大角咀個邊突然間好想食日本野，係咁多間餐廳之間呢間鬧市中的小店份外醒目。而且外面亦有很多泊車位，非常方便駕駛私家車既人士黎光顧。店舖環境都和日式居酒屋差不多，有幾幅日本藝術作品，店裡面放住幾chill既日本歌，未點餐之前個人放鬆曬。坐位都幾舒服，好快就點菜喇~我和另一半點左飲品先，日本的麒麟一番搾啤酒，待應非常快拎埋一個酒杯給我。細心個點個酒杯仲凍的，能夠確保啤酒倒入杯個下杯酒仲係凍的。另外我地仲叫左一支完熟桃子果汁，酸酸甜甜容易入口。第一道前菜上左一份和風刺身沙律，真心抵食。裡面除外沙律菜之外，仲有三文魚、油甘魚、真鯛、八爪魚腳仲有厚厚的帶子刺身，份量超級多先要68元，每一片刺身都係厚切。賣相整得好靚色彩繽紛。火灸三文魚加州卷味道都算幾清新，刺身部位魚脂味好香，配埋餡料的玉子蛋、青瓜味都幾清新唔油膩。特上刺身拼盤刺身份量十足，師傅都好捨得，油甘魚和帶子都是厚切的，食材質素高好新鮮。牡丹蝦刺身味道鮮甜，個頭比拇指還要粗，肉質彈牙爽口。擺盤都好優雅，好似藝術品一樣。角切雜錦魚生丼刺身份量頗多，壽司飯用的米是日本珍珠米，質感良好。壽司飯醋調味唔會太濃蓋過本身的米香，平衡恰到好處。跟飯
店舖環境都和日式居酒屋差不多，有幾幅日本藝術作品，店裡面放住幾chill既日本歌，未點餐之前個人放鬆曬。坐位都幾舒服，好快就點菜喇~
我和另一半點左飲品先，日本的麒麟一番搾啤酒，待應非常快拎埋一個酒杯給我。細心個點個酒杯仲凍的，能夠確保啤酒倒入杯個下杯酒仲係凍的。另外我地仲叫左一支完熟桃子果汁，酸酸甜甜容易入口。
第一道前菜上左一份和風刺身沙律，真心抵食。裡面除外沙律菜之外，仲有三文魚、油甘魚、真鯛、八爪魚腳仲有厚厚的帶子刺身，份量超級多先要68元，每一片刺身都係厚切。賣相整得好靚色彩繽紛。
火灸三文魚加州卷味道都算幾清新，刺身部位魚脂味好香，配埋餡料的玉子蛋、青瓜味都幾清新唔油膩。
特上刺身拼盤刺身份量十足，師傅都好捨得，油甘魚和帶子都是厚切的，食材質素高好新鮮。牡丹蝦刺身味道鮮甜，個頭比拇指還要粗，肉質彈牙爽口。擺盤都好優雅，好似藝術品一樣。
角切雜錦魚生丼刺身份量頗多，壽司飯用的米是日本珍珠米，質感良好。壽司飯醋調味唔會太濃蓋過本身的米香，平衡恰到好處。跟飯仲有一碗用木碗裝的麵豉湯，如果覺得單食飯會口渴，碗湯就岩岩好，又唔會令人覺得太飽。
芝麻雞翼上菜個陣都係岩岩炸好，外脆內嫩，雞翼表面灑左好多芝麻，份外惹味。
吉列廣島蠔炸得好香，外皮沒有出油，蠔肉尺寸都大，咬開個下都有啲蠔汁滲出黎，配埋沾汁酸酸甜甜很夾。
串揚拼盤有好多內容，有多春魚、茄子、蓮藕片、紫蘇葉豚肉、秋葵、蘆筍豚肉，真係花多眼亂，紫蘇葉豚肉和蘆荀豚肉都好多肉汁，一邊食一邉流出黎，熱辣辣真係好味道。蓮藕片和茄子都唔油膩甜甜的很易入口，這道菜非常推薦，真係食出驚喜!
總括而言，餐廳環境真係唔錯，侍應哥哥都幾細心會偶然問下我地有冇需要，係細節位度都考慮到客人的需要。食物質素都算唔錯，炸物類菜式都是現做的，啲炸物表皮起碼無甩皮甩骨或者放涼的情況。刺身油甘魚同三文魚色澤都非常新鮮，其他刺身份量都足夠，值得會再黎多一次~
張貼
