更多
2021-09-12
712 瀏覽
車來攘往嘅鬧市,午餐都可以別有一番滋味,今日黎到油麻地嘅一楝商廈頂樓食西餐,餐廳兩邊都係落地玻璃,採光一流,重可以清楚望到樓下嘅街景,喺寧靜嘅環境下望住繁忙嘅彌敦道,感覺都幾得意😆呢度嘅Lunch set特別在可以自己選擇要咩前菜,可以淨係要餐湯同甜品,唔想飲湯嘅可以叫沙律,沙律重有兩款揀,貪心嘅叫哂三款前菜都重得呀🤪*烤紅椒蕃茄濃湯(是日餐湯連甜品$20)*餐湯好多時都係雜菜湯呀忌廉湯呀,蕃茄濃湯真係好少見,平時唔鍾意食蕃茄嘅我開頭有d擔心,不過飲落又唔同平時個種蕃茄味,酸酸地幾開胃,平時好怕飲完個湯已經飽飽地,呢個就真係perfect池喇👍🏻*田園沙律 $25*正正常常嘅沙律,用黑醋汁比較健康又醒胃*芝麻醬燒雞肉伴溫室青瓜 $30*芝麻醬就惹味好多,配埋燒雞肉同個醬好夾*煙三文魚伴黑松露忌廉意粉 $118*一上檯就聞到陣陣黑松露味,煙三文魚份量都ok,忌廉汁份量剛剛好,意粉食落唔會太乾又唔會太腍*野菌紅酒燴牛肋條 $158*紅酒味比較重,牛肋條都幾多,炆得幾淋,有少少瓜類椒類伴碟,個汁同d著蓉都幾夾,我地最後清哂碟😂*榛子蛋糕*最後嘅甜品係蛋糕,個面係榛子味嘅mousse,個底應該
呢度嘅Lunch set特別在可以自己選擇要咩前菜,可以淨係要餐湯同甜品,唔想飲湯嘅可以叫沙律,沙律重有兩款揀,貪心嘅叫哂三款前菜都重得呀🤪
*烤紅椒蕃茄濃湯(是日餐湯連甜品$20)*
餐湯好多時都係雜菜湯呀忌廉湯呀,蕃茄濃湯真係好少見,平時唔鍾意食蕃茄嘅我開頭有d擔心,不過飲落又唔同平時個種蕃茄味,酸酸地幾開胃,平時好怕飲完個湯已經飽飽地,呢個就真係perfect池喇👍🏻
*田園沙律 $25*
正正常常嘅沙律,用黑醋汁比較健康又醒胃
*芝麻醬燒雞肉伴溫室青瓜 $30*
芝麻醬就惹味好多,配埋燒雞肉同個醬好夾
*煙三文魚伴黑松露忌廉意粉 $118*
一上檯就聞到陣陣黑松露味,煙三文魚份量都ok,忌廉汁份量剛剛好,意粉食落唔會太乾又唔會太腍
*野菌紅酒燴牛肋條 $158*
紅酒味比較重,牛肋條都幾多,炆得幾淋,有少少瓜類椒類伴碟,個汁同d著蓉都幾夾,我地最後清哂碟😂
*榛子蛋糕*
最後嘅 甜品係蛋糕,個面係榛子味嘅mousse,個底應該係想做到脆脆嘅效果可惜唔脆,另外如果個蛋糕可以大舊d就好喇😂
整體黎講呢度嘅環境好舒服,野食都唔錯,兩邊落地玻璃都貼左大大個💖型,岩哂情侶黎打卡👩🏻❤️💋👨🏻,職員話呢度日落同夜晚嘅街境都幾靚架,一於搵日好天再黎過!
張貼