伍哥石磨腸粉 (已結業)

行完朗豪坊，向旺角街市個方向行，經過見到呢間石磨腸粉。聽個名都知係手工野，好，就試一試! 腸粉選擇都幾多。除左石磨腸粉，仲有砵仔糕，價錢十分相宜!! 可惜想食之時已經賣晒... 最後叫左一份叉燒雞蛋腸粉。因為係即叫即做，要耐心等待一下。大約五分鐘就到手!! 我呢個麻醬控只是加左豉油同麻醬。腸粉熱辣辣的，比一般既豬腸粉幼滑同薄，好好食! 😋😋😋 食得出手工美食既細膩👍🏻👍🏻👍🏻👍🏻👍🏻總括來說，性格比高，一定會再幫襯!