更多
2019-08-16
1171 瀏覽
📍彌敦左岸 (尖沙咀)尖沙咀赫德道5-9號德裕中心地下及1樓-----最近周圍都大減價 同朋友買完野之後黎左呢間旺中帶靜嘅酒吧式餐廳食飯 呢度食物選擇好多 menu整到好似英式報紙 好特別 餐廳樓高兩層 下層係酒吧 上層係吧連餐廳 夜晚有live band（可惜我地食得太早 預唔啱時間 想睇live band演出 可以預先打電話去問下出show時間）😊-✹澳洲藍青口（$168）材料有乾番茄同白酒忌廉汁 青口size唔大唔細 大概比5蚊銀大少少隻隻新鮮肥美 入口好嫩滑 帶淡淡白酒香 調味啱啱好 唔會太鹹 且帶有少少乾番茄嘅甜味😆-✹北海道鮮帶子扁意粉（$188）材料有北海道帶子三粒 煙肉 半乾車厘茄 勝瓜同雲耳 而汁就係香辣蒜片汁 呢個配搭好特別 B仔第一次見意粉入面有勝瓜同雲耳 感覺好fusion 好似食緊中式意粉 但卻意想不到地夾 帶子大粒又鮮嫩 香辣蒜片汁帶少少辣香但唔嗆喉 調味調得非常到位😋-✹烤西班牙黑毛豬扒（$188) 豬扒有得揀7分熟同全熟 B仔同朋友揀左全熟 感覺太熟 建議大家揀7分 會更嫩滑 黑毛豬扒豬味濃郁 點埋芥末醬同少少青胡椒燒汁就更惹味（不過燒汁較濃 唔好點太
尖沙咀赫德道5-9號德裕中心地下及1樓
-----
最近周圍都大減價 同朋友買完野之後黎左呢間旺中帶靜嘅酒吧式餐廳食飯 呢度食物選擇好多 menu整到好似英式報紙 好特別 餐廳樓高兩層 下層係酒吧 上層係吧連餐廳 夜晚有live band（可惜我地食得太早 預唔啱時間 想睇live band演出 可以預先打電話去問下出show時間）😊
-
✹澳洲藍青口（$168）材料有乾番茄同白酒忌廉汁 青口size唔大唔細 大概比5蚊銀大少少
隻隻新鮮肥美 入口好嫩滑 帶淡淡白酒香 調味啱啱好 唔會太鹹 且帶有少少乾番茄嘅甜味😆
-
✹北海道鮮帶子扁意粉（$188）材料有北海道帶子三粒 煙肉 半乾車厘茄 勝瓜同雲耳 而汁就係香辣蒜片汁 呢個配搭好特別 B仔第一次見意粉入面有勝瓜同雲耳 感覺好fusion 好似食緊中式意粉 但卻意想不到地夾 帶子大粒又鮮嫩 香辣蒜片汁帶少少辣香但唔嗆喉 調味調得非常到位😋
-
✹烤西班牙黑毛豬扒（$188) 豬扒有得揀7分熟同全熟 B仔同朋友揀左全熟 感覺太熟 建議大家揀7分 會更嫩滑 黑毛豬扒豬味濃郁 點埋芥末醬同少少青胡椒燒汁就更惹味（不過燒汁較濃 唔好點太多）伴碟嘅輕蔬同燒手指薯亦不錯 豆好脆身 全部蔬菜都唔油膩 😝
-
✹Argue : 呢度嘅signature cocktail好特別 以男女戀愛成個過程作命名 清純至Puppy love 濃情至Marry me 全部都有 而呢杯Aruge 材料有gin、campari、home made grapefruit honey、yoghurt liqueur同lemon juice 顧名思義就係情侶必經嘅嗌交過程😠味道好多層次 酒味有少少烈 烈得黎有微微苦 苦得黎又有甜味反饋 正正就好似一對深愛對方 但又嘈得激烈 情緒處於又愛又恨中嘅情侶 酒名改得非常貼切 😆
-
✹Be back together : 😁嘈完交 緊係要氹返對方 一齊返啦 呢杯Be back together材料有gin grand marnier、dry orange liqueur、yuzu puree同soda water 相比起上一杯Argue 呢杯酒嘅酒精濃度唔顯得少好多 但甜度就高好多 飲落好fruity 加埋蘇打水入面嘅氣泡 感覺冰涼透心 就好似啱啱先嘈完交嘅情侶 仲有少少嬲嬲豬🤣但係D怒火又慢慢散緊 愛意出返黎 所以烈得黎 無左苦味 多左一份甜蜜同舒暢☺️
-
♥︎每碟菜食完都有人換碟 好貼心
-----
👶🏻B仔整體評價：8.3/10個👍🏻
👶🏻B仔抵食程度：7.5/10個👍🏻
👶🏻B仔環境評分：8.5/10個👍🏻
👶🏻B仔味道評分：8.5/10個👍🏻
👶🏻B仔回頭機會：8.5/10個👍🏻
-----
#swallowhongkong
☺️快D跟住B仔一齊吞食香港啦！🤤
#swallowtst
張貼
