望逸咖啡研究所 (已結業)

今日去呢一間嘅Cafe好靚，簡約得來又好有工業風風格！再加上連出面店面都有好特別嘅裝飾物，除咗吸睛亦都好美觀！另外呢度仲多咗個貓店長身形嬌小非常可愛！今日主打第一道菜；半邊春雞拼烤豬肋骨，呢個烤得啱啱好，除咗好有心機烹調之外，感覺質感仲好似慢煮咁好食！豬肋骨好Juicy！咬落淡淡香層次！另外半邊雞烤得香濃美味！第二道菜：白汁忌廉煮青口呢個亦都係主菜之一！淡香既白汁配上青口，有啲香甜青口亦非常鮮嫩！連貓店長經過都覺得香！之後第三道菜：龍蝦汁青口，蜆肉會意大利飯：龍蝦汁非常開胃，在配合青口加蜆肉嘅燴飯！真係淡淡都係鮮味！淡淡都有海鮮嘅感覺！最後飲品方面，叫做杯Mocha！將指定嘅飲品利用空氣針筒擠壓落去Mocha！感覺新奇又好有特色！加上味道超好飲必飲！餐廳方面再配咗個甘筍湯！味道亦非常鮮甜！望逸咖啡研究所 地址: 觀塘開源道60號駱駝漆大廈第3座1樓J室