渝味曉宇重慶老火鍋 (創紀之城五期) (已結業)

環境比較暗 座位都舒服既入門口前先探熱 有提供口罩袋比你放好口罩座位闊落 唔會好迫咁 旁邊仲有一張枱可以放食物有提供埋紙巾最低有兩個櫃桶 可以放外套同袋唔怕整污糟同吸味 好貼心不過抽風就比較差基本上大家都會點麻辣 我一坐低就覺得個鼻好辛苦 好攻鼻講返食物方面上菜都算快 食物質數唔錯蒿荀上碟好靚牛肉同豚肉唔會太肥或過瘦有口感 淥耐左先唔un不過好多食物上枱時仲係雪到好硬痴埋一齊 有少少影響口感麻辣湯底一開始我覺得冇乜料到愈食就愈辣 後勁比較犀利我地好多都點半份佢既半份真係比較少我地點左蝦 一直都冇黎 冇人通知最後通知店員 佢先話賣曬