影片
更多
2018-02-08
95 瀏覽
水產浜燒餐廳近年係香港開始多，估唔到近近地荃灣都有間. 百悅坊我都係第一次黎黎到餐廳幾大，裝潢日式，包箱坐得都好舒適. menu 選擇都幾多，一班人決定先share 一個二人餐再散叫幾樣. 二人餐包前菜，主食甜品共8道前菜3款都幾惹味，從左至右分別係醬醃蒜，芥末八爪魚，炒銀魚乾. 之後每人有一大碗胡麻豆腐salad。salad dressing 較偏好酸甜黑醋dressing set 包油甘魚，帶子，牡丹蝦，鮟鱇魚肝及一款時令魚各兩份. 其中比較喜歡油甘魚，油脂豐富甘香，肉質爽口紮實. 帶子都幾厚肉鮮甜. 鮟鱇魚肝絕對係另一個驚喜，入口軟滑，滋味與法國鵝肝亦不遜色，卻無任何腥味，伴上少許柚子香末帶淡淡柚子清香更去除肥膩的感覺. 平目，真鯛，時令壽司各二好少食呢幾款魚，都幾鮮甜天婦羅各一盤包2隻海老（炸蝦）同時令野菜3款. 碟子好有特色，連埋手挽幾靚. 炸衣都幾薄，但唔知係咪影耐左，食落無想像中咁脆. 天氣最近太凍，分辨唔到係吹凍左定佢煮定 orz 下次都係快快影張食左先set 仲包左安格斯牛肉烏東兩碗，吸取左天婦羅教訓今次影左張就好快食😆所以影得麻麻. 牛肉大大片肉質軟腍牛肉味都幾香濃
黎到餐廳幾大，裝潢日式，包箱坐得都好舒適. menu 選擇都幾多，一班人決定先share 一個二人餐再散叫幾樣.
二人餐包前菜，主食甜品共8道
前菜3款都幾惹味，從左至右分別係醬醃蒜，芥末八爪魚，炒銀魚乾. 之後每人有一大碗胡麻豆腐salad。salad dressing 較偏好酸甜黑醋dressing
set 包油甘魚，帶子，牡丹蝦，鮟鱇魚肝及一款時令魚各兩份. 其中比較喜歡油甘魚，油脂豐富甘香，肉質爽口紮實. 帶子都幾厚肉鮮甜. 鮟鱇魚肝絕對係另一個驚喜，入口軟滑，滋味與法國鵝肝亦不遜色，卻無任何腥味，伴上少許柚子香末帶淡淡柚子清香更去除肥膩的感覺.
平目，真鯛，時令壽司各二
好少食呢幾款魚，都幾鮮甜
天婦羅各一盤包2隻海老（炸蝦）同時令野菜3款. 碟子好有特色，連埋手挽幾靚. 炸衣都幾薄，但唔知係咪影耐左，食落無想像中咁脆. 天氣最近太凍，分辨唔到係吹凍左定佢煮定 orz 下次都係快快影張食左先
set 仲包左安格斯牛肉烏東兩碗，吸取左天婦羅教訓今次影左張就好快食😆所以影得麻麻. 牛肉大大片肉質軟腍牛肉味都幾香濃，食得出係靚料. 烏東滑溜有口感，唔會過腍. 唔錯
2人set 8道菜中每兩位送1隻活龍蝦，送完即止。我地好好彩都仲有 可以選擇比廚房鐵板燒或者自己煮. 靚材料當然交番比最熟手廚師處理啦，佢仲排到plating 超靚. 龍蝦肉煮完比想像中少🙈 但肉質好彈牙鮮味正
另外order 左柚子檸檬酒同白桃汽酒，分別係$58 同$38. 前者酒精濃度較高，同時都有濃郁柚子檸檬香，飲落酸酸帶清香好fresh. 後者其實有好多唔同口味，感覺有小小似Jolly Shandy，好易入口. 兩者都唔錯
三文魚，鰻魚壽司各$38兩件. 前者肥美軟腍，後者三文魚都幾鮮甜，而且好厚切，刺身份量仲多過飯😁
松葉蟹膏甲羅燒$68，浜燒人氣item 緊係唔可以錯過啦 其實佢仲有豪華版加左海膽等，留待下次再試. 呢個松葉蟹膏甲羅中除左滿滿蟹膏，蟹籽，蟹肉仲有鵪鶉蛋. 燒熱完將蛋液倒入蟹膏攪拌再煮熱即可. 無加任何調味料已經鮮味滿滿 蟹籽。難怪可以排上no. 1人氣榜
唔熟悉點煮既都唔駛驚，呢度店員好helpful ，會主動問需唔需要幫手可能咁岩去個日客人唔多,所以基本上大部分都係店員幫手，燒得剛剛好。
又或者可以參考一本貼心小冊子，圖文並茂咁簡單教客人每道海鮮大概要燒幾耐同點煮.
牛油燒帆立貝$58粒
真係超大粒肥美輕輕涮上海鮮醬油調味，再加上一細舊牛油一起煮溶，更帶出其鮮甜.
燒魷魚筒$68
總長差唔多半截前臂，比想像中大舊肥滿好多. 一邊燒一邊塗滿一層層燒汁，反轉仲會見到一格格網印. 臨食用剪刀剪開一圈圈. 肉質彈牙鮮嫩，自己有份燒總感覺特別好食d 😆 雖然主要都係店員幫忙啦
芝士奄列炒麵$88
最後order左個芝士奄列炒麵，用左日本炒麵醬，酸酸甜甜好惹味. cheese 量唔算多，係炒麵中間會搵到一絲絲cheese 牽絲. 味道唔錯，而且份量都唔少. 略有d 可惜係蛋已經煎得全熟，如果可以煮嫩d, 中間8成熟帶蛋液，咁就perfect啦
set 最後一道就係甜品，店員好醒水咁最後先上. 是日味道有抹茶/紅豆/vanilla. 選左紅豆抹茶同fd share 食，紅豆都幾香，不過我地不約而同都更喜歡香濃又略帶點苦澀抹茶味. 加埋美好dessert，咁就完滿咁為呢餐美味畫上句號
overall 海產好新鮮，相比起之前去某d 浜燒餐廳食物水準更高. 雖然唔平，但我同朋友埋單都覺得value for money. 下次想食餐高質素浜燒豪一豪都會約fd 再黎
張貼
