影片
更多
2024-02-10
69 瀏覽
好耐冇食鐵板燒，同朋友一邊傾計，一邊欣賞師傅係鐵板上面用心烹調各款新鮮食材，簡直係一個享受❤️ 身邊朋友都推薦呢間既鐵板燒，所以一早訂左枱，滿心歡喜用一頓美食去慰勞努力工作了一天既自己😎晚餐鐵板燒 - 「命」 $788前菜係雜菜沙律+水雲秋葵，清新酸甜，開胃一流👍🏻西澳龍蝦龍蝦夠好彈牙！配上龍蝦膏係鐵板上面快炒，蝦味好濃郁，夠哂火喉😚北海道帶子帶子用牛油煎香，加上西洋菜忌廉汁，味道清淡更加食到帶子本身既鮮甜南非鮑魚師傅技術果然高超，鮑魚烹調時間岩岩好！好嫩又夠彈牙！汁醬方面用左瑤柱松葉蟹汁，好中意呢個汁，更加豐富左鮑魚既味道！😍銀鱈魚好有驚喜既一道菜！師傅將魚片煎到好香脆，脆度係食緊薯片咁😆 銀鱈魚魚油好豐富，每一啖都充滿魚油香，而且魚肉超級嫩滑，好好食！👍🏻鵝肝師傅慢慢煎封鵝肝表面，所以表面夠脆口，內裏仍然好嫩，油脂豐富，完美做到外脆內嫩🤤本身以為一大舊厚切鵝肝會好膩，但係配搭上意大利黑醋、焦糖青蘋果、紅石榴、藍莓同龍珠果，夠哂解膩👍🏻鹿兒島和牛要左五成熟，一咬落去，豐富既和牛油脂咇哂出黎！齒頰留香😍 由於師傅已經加左鹽同黑胡椒去煎，所以唔需要再沾任何醬汁已經夠哂味👍🏻 牛舌芯口舌芯夠
晚餐鐵板燒 - 「命」 $788
前菜係雜菜沙律+水雲秋葵，清新酸甜，開胃一流👍🏻
西澳龍蝦
龍蝦夠好彈牙！配上龍蝦膏係鐵板上面快炒，蝦味好濃郁，夠哂火喉😚
北海道帶子
帶子用牛油煎香，加上西洋菜忌廉汁，味道清淡更加食到帶子本身既鮮甜
南非鮑魚
師傅技術果然高超，鮑魚烹調時間岩岩好！好嫩又夠彈牙！汁醬方面用左瑤柱松葉蟹汁，好中意呢個汁，更加豐富左鮑魚既味道！😍
銀鱈魚
好有驚喜既一道菜！師傅將魚片煎到好香脆，脆度係食緊薯片咁😆 銀鱈魚魚油好豐富，每一啖都充滿魚油香，而且魚肉超級嫩滑，好好食！👍🏻
鵝肝
師傅慢慢煎封鵝肝表面，所以表面夠脆口，內裏仍然好嫩，油脂豐富，完美做到外脆內嫩🤤本身以為一大舊厚切鵝肝會好膩，但係配搭上意大利黑醋、焦糖青蘋果、紅石榴、藍莓同龍珠果，夠哂解膩👍🏻
鹿兒島和牛
要左五成熟，一咬落去，豐富既和牛油脂咇哂出黎！齒頰留香😍 由於師傅已經加左鹽同黑胡椒去煎，所以唔需要再沾任何醬汁已經夠哂味👍🏻
牛舌芯
口舌芯夠哂彈牙，夠高質，配上蒜片一齊食，口感同味道更加豐富👍🏻
炒野菜
有芽菜、椰菜、紅蘿蔔絲等一齊炒，好脆口又多汁🤭
龍蝦味噌湯
本身已經好中意飲味噌湯，仲要連埋龍蝦殼一齊煲，好鮮甜，好幸福🤤
炒飯
珍珠米炒到粒粒分明，夠哂鑊氣！配料帶牛肉、雞蛋、香蔥、紅蘿蔔等，味道層次豐富👍🏻
焦糖多士
多士表面一層薄薄的焦糖脆片，甜甜的，脆脆的，好滿足☺️
牛奶奶凍
牛奶味好出，奶凍亦夠滑溜👍🏻
飲品方面我地仲叫左日式檸檬茶同菠蘿可爾必思，日式檸檬茶有淡淡花香味，好好飲，菠蘿可爾必思酸甜可口👍🏻
好飽好滿足既一餐，食材夠新鮮，食物既烹調時間同醬汁既配搭都睇得出師傅既功力，令食物本身既味道同口感更加提升，每一道菜都相當滿意😍絕對係值得再訪既鐵板燒餐廳！👍🏻
張貼
