金記冰室 (黃大仙中心南館)

營業中

休息中

今日放工要去黃大仙同事屋企幫忙照顧BB，冇時間出街食飯，就去附近商場的金記冰室買外賣，餐廳裝潢設計有懷舊風格，是間有質素的港式茶餐廳。鮮茄濃汁焗豬扒飯：餐廳招牌飯一定要試下，大大塊厚切豬扒已經蓋過飯面，加新鮮蕃茄和蕃茄醬汁焗至金黃色，豬扒軟腍，濃郁的醬汁酸甜度適中，撈埋飯食越食越好味！芝士焗肉醬意粉：濃濃的肉醬汁因為加左芝士變得更惹味，每條軟硬適中的意粉沾滿醬汁，令人食不停口。西多士又厚又大塊有蛋香，中間有花生醬，加少許糖漿令西多甜美可口。