牛匠石燒 (已結業)

今日去咗尖沙咀附近繼續搵食！去咗呢一間尖沙咀平價抵食嘅燒肉食飯！好彩我哋有book位，可以即刻入到去！入到去店員會好有禮貌，咁教你每一個步驟點樣燒，佢哋都推薦左我哋叫牛匠極上盛合！我哋再加多左個烏冬 兩個人share！比較推介嘅，係有佢嘅封門柳，好重牛肉味，咬落亦都唔會咬唔開！食得出牛肉本身嘅鮮味，同埋牛肉嘅新鮮度 我最鍾意當然係一口牛柳粒，每一粒嘅油脂分布都非常平均，一啖一粒，忍唔住食完再食 朋友就鍾意日本A4牛肩肉，話口感唔錯，同埋肉味香濃 總括嚟講呢間餐廳都唔錯，抽風系統都唔差，食完都唔會成身油煙味，有機會會再返嚟幫襯