更多
2020-05-24
4019 瀏覽
今日難得出尖沙咀，同朋友揀左人流較少的餐廳，好好獎勵自己，同朋友聚一聚，因為燒肉可慢慢燒，同朋友傾耐一點都可以，而且呢度環境夠寛闊，抽氣做得好，燒完肉個身都無味，服務亦細心有禮。估唔到lunch都可以豪華地燒牛肉，原本諗住點熟食套餐，但見到可以自己燒肉，所以直接落單，有2款揀，我地喜歡食牛，所以揀Set A, 而另一款有牛雞豬就Set B。除左二人套餐，仲有8款午市套餐，都有齊牛、豬、雞……以供選擇，仲有前菜泡菜、湯同飯，都好豐富，價錢＄85－125。我地點左燒肉，所以點埋飲品，降降溫之餘，仲可清爽油膩感。牛魔古法漬泡菜及前菜，全部都好爽脆，大豆芽有麻油香，青瓜微辣開胃，海草味道也可以。牛魔雜菜沙律份量幾多，雖然都係生菜、青瓜、粟米，但配個沙律醬好好味，沙律也可以消膩。最正係個自家制特選餐湯，係濃而不膩的牛骨湯，仲有清甜無筋白蘿蔔片，超級好飲。燒肉套餐有美國Prime牛肋骨、黑椒鹽花牛肋肉、和牛牛五花。我地先燒牛五花同黑椒牛肋肉，各有5片，厚薄大小適中，火力剛好，所以好易燒，而且燒時已吸走油煙，好讚。黑椒鹽花牛肋肉，牛肉味道濃郁，較有口感，肉質較彈好好咬，經黑椒同鹽調味，就咁食已經好正
今日難得出尖沙咀，同朋友揀左人流較少的餐廳，好好獎勵自己，同朋友聚一聚，因為燒肉可慢慢燒，同朋友傾耐一點都可以，而且呢度環境夠寛闊，抽氣做得好，燒完肉個身都無味，服務亦細心有禮。
估唔到lunch都可以豪華地燒牛肉，原本諗住點熟食套餐，但見到可以自己燒肉，所以直接落單，有2款揀，我地喜歡食牛，所以揀Set A, 而另一款有牛雞豬就Set B。
除左二人套餐，仲有8款午市套餐，都有齊牛、豬、雞……以供選擇，仲有前菜泡菜、湯同飯，都好豐富，價錢＄85－125。
我地點左燒肉，所以點埋飲品，降降溫之餘，仲可清爽油膩感。
牛魔古法漬泡菜及前菜，全部都好爽脆，大豆芽有麻油香，青瓜微辣開胃，海草味道也可以。牛魔雜菜沙律份量幾多，雖然都係生菜、青瓜、粟米，但配個沙律醬好好味，沙律也可以消膩。最正係個自家制特選餐湯，係濃而不膩的牛骨湯，仲有清甜無筋白蘿蔔片，超級好飲。
燒肉套餐有美國Prime牛肋骨、黑椒鹽花牛肋肉、和牛牛五花。
我地先燒牛五花同黑椒牛肋肉，各有5片，厚薄大小適中，火力剛好，所以好易燒，而且燒時已吸走油煙，好讚。
黑椒鹽花牛肋肉，牛肉味道濃郁，較有口感，肉質較彈好好咬，經黑椒同鹽調味，就咁食已經好正。
和牛牛五花，肉質超嫩腍，油脂豐富，滿口牛油香，配飯一流。也可以配芥末同食，減膩感又有微微刺激，好好味。
美國Prime牛肋骨，好大卷，要攤開黎燒，之後剪細塊燒香。
燒得好靚，油光好吸引，呢款口感係牛五花同牛肋肉之間，Prime級果然好味d，有牛五花的油香，也有牛肋肉的爽彈咬口，味道同口感都更豐富同有層次。
燒肉不可少的梳打特飲，我地的巨峰梳打特飲和鳳梨梳打特飲都夠哂大杯，有椰果粒增加咬口，梳打好有氣，飲落夠冰夠清爽。
張貼
