醉胡爐 (已搬遷) 新店位置

尖沙咀果然多好嘢食，今日再一次嚟到位於沙咀柯士甸道嘅醉胡爐，上次食完一直都念念不忘，今日一於帶埋屋企人一齊嚟食😆。-我哋足足叫咗兩款湯底，一個辣一個唔辣，辣嗰個就係清香青麻辣豬手鍋，呢個麻辣好有風味，好有台灣嘅feel🤪。而另一個就係火焰龍蝦海鮮鍋，呢個鍋驚喜十足🤩，店員會即場喺我面前炒一炒啲海鮮，然之後加上酒再點火，海鮮就喺熊熊烈焰中慢慢吸收酒精嘅香氣，然之後再倒入上湯。炒緊嘅時候香氣撲鼻已經好吸引，滾起左之後即刻整番碗嚟飲，有好濃郁嘅龍蝦味😍，而且仲有各種海鮮嘅鮮甜味道，我足足飲咗三大碗先夠喉😂。。胡爐十二道牛盛合上面足足有12種吾同部位嘅牛肉🤩，有牛舌芯、牛頸脊、安格斯肥牛、牛胸爽、花雕醉滑牛等，無論口感定係味道都好有驚喜好有特色😎，當中我最鍾意牛胸爽，除咗佢夠特別冇乜地方可以食到之外，牛胸爽亦都係我食過最有牛味嘅部位😝。。丸類拼盤&餃類拼盤手打丸好彈牙，咬落好有口感。而餃子皮薄餡靚，每一粒都好足料，特別鍾意雲吞，味道好出色👍🏻。