摩登堂 (荃灣廣場) (已結業)

睇社交平台見荃灣廣場有一間好食，價錢又合理嘅餐廳，於是同朋友一齊嚐鮮。餐牌上有好多唔同嘅嘢食，最吸引我一定係吐司。每一款望落都好好食，特別係流金歲月丹麥厚吐司。同朋友分別嗌咗烤杏仁生椰$39，同生椰楊枝甘露$42。topping有一片片杏仁，杏仁味同椰子好夾，十分推薦。另外楊枝甘露加咗生椰，飲落味道再fresh啲。炭燒雞翼串燒$45，冬陰功汁配上雞肉串好美味冬陰功紅蝦湯$88可以見到青口同蝦都好大隻，同冬蔭功嘅味道好夾。冬蔭功味道比較濃郁同偏辣，冬天食落暖笠笠。烤金菠蘿虎蝦蟹肉炒飯飯入面有好多蟹肉，同細細仔嘅蝦，食落好有層次。上面嘅虎蝦都好好食，又大隻，值得一試。糯米飯雪糕$32第一次見到芒果糯米飯變成雪糕，食落有驚喜。下次嚟都會再嗌。流金歲月丹麥厚吐司$88味道超級超級朱古力，朱古力控必嗌。上面有朱古力雪糕，同唔同嘅配料，食落去一啲都唔單調，食極唔厭。