好耐冇食泰國菜，終於約咗班fd去呢到試下
佢哋等我收工，八點幾先開餐，估唔到咁夜仲爆場～ 真係冇介紹錯，食到超滿足🍴
泰式活蝦刺身🐟 好鮮甜，啖啖爽口，加少少青檸辣椒汁，好開胃😍
招牌串燒拼盤真係勁多款：雞、牛、豬、雞中翼、魷魚鬚、雞皮、豬頸肉、牛仔骨樣樣都有！最正係豬頸肉多汁、牛仔骨香口、雞皮脆卜卜。一次過有齊晒好過癮🤤
泰式青咖喱軟殼蟹鍋濃郁香辣，辣度啱啱好！
軟殼蟹炸得金黃脆卜卜，湯汁配法包蘸住食真係無得輸🦀🍞
泰式去骨海南雞睇落真係好吸引呀！🥰 雞皮光滑油潤，顏色金黃靚仔，啖啖肉好嫩滑～ 特別係嗰個酸辣醒胃嘅泰式辣醬最出色。
泰式雞肉炒飯蛋香飯香，雞肉又嫩又香口，簡單但好好食！
芥蘭苗炒得爽口清甜，食完啲辣野嚟一啖啱啱好🥬
呢到嘅甜品都唔錯架～焦糖燉蛋滑到不得了，甜度啱啱好，超滿足～
再加支冰凍 SINGHA 啤酒，飲落超正🍺
