更多
2023-02-08
1487 瀏覽
自幾年前去過西班牙旅行，就對當地美食念念不忘，所以不時都會搵啲西班牙菜食吓。最近就比我搵到間高質嘅西班牙餐廳位於西營盤嘅La Paloma，主打西班牙菜，餐廳空間感十足，裝修色彩繽紛，近門口嘅一幅牆就印上西班牙海鮮飯嘅製作方法，幾有創意！🍴Seafood Paella - 西班牙菜嘅主角一定係西班牙海鮮飯，當中嘅精髓係製作海鮮飯過後，鍋底嘅一層飯焦，稱之為SOCARRAT，西班牙語中「烤焦」之意，而La Paloma正正就做到這麼重要嘅一部份。配料就用上魷魚、蜆肉、青口、蝦，新鮮入味👍🍴Explosive Salmon “TNT” - 以脆餅做底，面層放上煙燻三文魚及三文魚子，再配以酸忌廉醬，幾醒胃嘅一道Tapas！🍴Iberico Ham with tomato bread - 麵包烘脆後搽上蕃茄醬，非常好味！西班牙菜又點少得伊比利亞火腿，餐廳用上嘅係橡木果餵飼黑毛豬火腿，無激素飼養，非常矜貴！🍴Patatas Bravas - 傳統烤薯角做到真正外脆內軟，淋上自家製紅椒粉醬，少少辣好惹味！🍴Mushroom Croquettes - 忌廉球炸得酥脆可口，再以蘑菇蓉做餡料，食落係先脆
位於西營盤嘅La Paloma，主打西班牙菜，餐廳空間感十足，裝修色彩繽紛，近門口嘅一幅牆就印上西班牙海鮮飯嘅製作方法，幾有創意！
🍴Seafood Paella - 西班牙菜嘅主角一定係西班牙海鮮飯，當中嘅精髓係製作海鮮飯過後，鍋底嘅一層飯焦，稱之為SOCARRAT，西班牙語中「烤焦」之意，而La Paloma正正就做到這麼重要嘅一部份。配料就用上魷魚、蜆肉、青口、蝦，新鮮入味👍
🍴Explosive Salmon “TNT” - 以脆餅做底，面層放上煙燻三文魚及三文魚子，再配以酸忌廉醬，幾醒胃嘅一道Tapas！
🍴Iberico Ham with tomato bread - 麵包烘脆後搽上蕃茄醬，非常好味！西班牙菜又點少得伊比利亞火腿，餐廳用上嘅係橡木果餵飼黑毛豬火腿，無激素飼養，非常矜貴！
🍴Patatas Bravas - 傳統烤薯角做到真正外脆內軟，淋上自家製紅椒粉醬，少少辣好惹味！
🍴Mushroom Croquettes - 忌廉球炸得酥脆可口，再以蘑菇蓉做餡料，食落係先脆後淋，口感同味道都非常好！
🍴Garlic & chili prawns - 大蝦夠大隻，再以蒜香辣椒煮成，蒜香味濃之餘又有少少辣味，調味方面做得幾好！而法包我會點一點蒜香辣椒醬嚟食，惹味好多！
🍴Scallop on Fire - 帶子鮮甜爽口，配上伊比利亞火腿和小椰菜，龍蝦汁墊底，味道同打卡度高嘅一道前菜
🍷Red Sangria - 食西班牙菜又點少得Sangria，和傳統沖調方法差不多，用上紅酒、苦艾酒、梳打和新鮮水果等等，飲落有各種水果嘅甜味香氣，減低了酒精濃味，相對平易近人
🍷White Sangria - 以白酒代替，再加入蜜桃味伏特加，熱情果和其他新鮮水果，我覺得相對易入口，幾適合女士飲用
🍰Basque burnt Cheesecake with raspberry sorbet - 必食嘅一款西班牙甜點，芝士蛋糕細膩綿柔，加入雜莓雪葩可以平衡翻食芝士蛋糕嘅飽滯感覺
另外餐廳設有酒吧區，提供各式各樣嘅西班牙美酒，我就試咗枝啤酒，正正係我當年去西班牙飲過嘅，所有回憶番晒嚟！
張貼
