影片
更多
2023-08-10
1748 瀏覽
日本黒毛和牛焼肉 牛太 (沙田中心) (沙田)📍沙田橫壆街2-16號沙田中心3樓50及57號舖日式燒肉一向都好難抗拒，間唔中我哋都會物色不同嘅燒肉放題。上星期食咗間燒肉都幾值得分享，雖然餐廳名都話咗俾大家知佢係食牛和，但若果想先試試質素都可以先揀豪和燒肉放題$389 體驗一下。近期佢地做緊個夏祭限定搞搞新意思，以芝士做緊一個主題。有不同嘅cross over ， 例如芝士辛辣燒肉，芝士拉絲。原來用芝士配燒肉都幾過癮，因為真係會有拉絲效果，而且可以令到味道更豐富！值得一提係佢地啲牛肉都有幾多部位可以揀，質素都算好，每款都肉感重牛味濃，絕對係對得住個價錢！外邊亦有自助區域，可以自己夾啲小食。當日有芝士炸雞、蕃茄芝士粉shake shake 薯條、章魚燒、炸魷魚。我就冇玩shake shake 薯條，但有shake shake 章魚燒😂。個蕃茄粉又真係幾惹味🤭當然唔少得仲有個雪糕機！有雲朵扭紋雪糕3.6 牛乳同波子汽水味。如果食$469 ，更加可以享有波子汽水暢飲添，見隔籬枱啲中學生飲得好開心😁飲品都幾多元化，除咗罐裝飲品之外，有自家製無糖花茶。仲可以用手機QR code 任飲Asahi ,
📍沙田橫壆街2-16號沙田中心3樓50及57號舖
日式燒肉一向都好難抗拒，間唔中我哋都會物色不同嘅燒肉放題。
上星期食咗間燒肉都幾值得分享，雖然餐廳名都話咗俾大家知佢係食牛和，但若果想先試試質素都可以先揀豪和燒肉放題$389 體驗一下。
近期佢地做緊個夏祭限定搞搞新意思，以芝士做緊一個主題。有不同嘅cross over ， 例如芝士辛辣燒肉，芝士拉絲。原來用芝士配燒肉都幾過癮，因為真係會有拉絲效果，而且可以令到味道更豐富！
值得一提係佢地啲牛肉都有幾多部位可以揀，質素都算好，每款都肉感重牛味濃，絕對係對得住個價錢！
外邊亦有自助區域，可以自己夾啲小食。當日有芝士炸雞、蕃茄芝士粉shake shake 薯條、章魚燒、炸魷魚。我就冇玩shake shake 薯條，但有shake shake 章魚燒😂。個蕃茄粉又真係幾惹味🤭
當然唔少得仲有個雪糕機！有雲朵扭紋雪糕3.6 牛乳同波子汽水味。如果食$469 ，更加可以享有波子汽水暢飲添，見隔籬枱啲中學生飲得好開心😁
飲品都幾多元化，除咗罐裝飲品之外，有自家製無糖花茶。仲可以用手機QR code 任飲Asahi , 男士必叫之選！
甜品亦有加分位，除咗自助區嘅窩夫同泡芙之外，手機落單都仲有好多其他選擇。基本上我每一款都試晒！分別有綠茶蕨餅、紅豆/吉士鯛魚燒、燒朱古力香蕉、燒棉花糖、燒菠蘿。 我自己就食咗幾次燒棉花糖！好滿足！
120 分鐘燒肉放題嚟講價錢雖然少貴，但確實係肉類有番咁上下質素！服務都唔錯，每次職員上菜時都會講明邊款肉，上菜同收碟速度都好快，亦會不時留意有冇需要換網。我覺得下次可以試試高一個價位嘅放題🤭
張貼
