更多
2020-06-25
299 瀏覽
又黎鳥居了,今次係約咗2個老死過黎食燒物,呢個集團真係深得我喜愛,食物一向高質,想食好嘅日本菜,真係可以黎呢度一開始嘅沙律前菜,我依然最喜歡甘筍,最清脆可口,點麵豉醬真係食到上癮一開始我地點咗份菠菜,配蟹肉、麻醬,會令你想像唔到蔬菜都可以咁惹味,呢個分量3個人分,啱啱好海膽唔腥,空口食定係配芥末、紫菜or青瓜,各有風味等等食燒物,配酒當然唔少得啦,點咗杯梅子檸檬酒,超級易入口,酸甜酸甜,好似我呢d唔太飲得嘅,叫呢款小酌一下啱啱好酒煮風文貝,鮮味濃郁,連湯都可以飲埋。食物超多,唔一一詳細論述,不過有幾款真係真心推薦:呢款明太子玉子,大大舊好飽滿,入面嘅明太子鹹香突出,而出面嘅玉子冇作濃郁嘅調味,兩者中和,啱啱好,而且蛋香好出。一咬落去係有幾個層次,先係有蛋香,之後明太子味道爆出,最後兩者融合,真係好好食,呢個就係我上次食過,今次又要食嘅原因蒜香燒牛肉一定要叫啦,食燒物唔叫串牛真係對唔住自己,呢度無論肉香同油香都突出,肉質好綿,入口係有一種係口中打轉嘅感覺,成個口腔都係牛肉香味松露雞肉串,香氣十足,我一路影相打卡,佢d香味一路進攻我嘅鼻腔,入口菇味好濃,雞肉出奇嫩滑最後呢款牛舌我真係超級超
一開始嘅沙律前菜,我依然最喜歡甘筍,最清脆可口,點麵豉醬真係食到上癮
一開始我地點咗份菠菜,配蟹肉、麻醬,會令你想像唔到蔬菜都可以咁惹味,呢個分量3個人分,啱啱好
海膽唔腥,空口食定係配芥末、紫菜or青瓜,各有風味
等等食燒物,配酒當然唔少得啦,點咗杯梅子檸檬酒,超級易入口,酸甜酸甜,好似我呢d唔太飲得嘅,叫呢款小酌一下啱啱好
酒煮風文貝,鮮味濃郁,連湯都可以飲埋。
食物超多,唔一一詳細論述,不過有幾款真係真心推薦:
呢款明太子玉子,大大舊好飽滿,入面嘅明太子鹹香突出,而出面嘅玉子冇作濃郁嘅調味,兩者中和,啱啱好,而且蛋香好出。一咬落去係有幾個層次,先係有蛋香,之後明太子味道爆出,最後兩者融合,真係好好食,呢個就係我上次食過,今次又要食嘅原因
蒜香燒牛肉一定要叫啦,食燒物唔叫串牛真係對唔住自己,呢度無論肉香同油香都突出,肉質好綿,入口係有一種係口中打轉嘅感覺,成個口腔都係牛肉香味
松露雞肉串,香氣十足,我一路影相打卡,佢d香味一路進攻我嘅鼻腔,入口菇味好濃,雞肉出奇嫩滑
最後呢款牛舌我真係超級超級超級鍾意!大大舊好厚切,口感超爽,完全唔韌,最重要嘅係入口油香係爆出黎,就算我地係後期先點呢款,都唔會對佢有任何抗拒嘅感覺,因為佢係全晚最香最好食,我食完自己嗰串真係會想搶埋隔離嗰串黎食,個人覺得呢款係必點!
其他食物都係值得讚,如果budget鬆動,想食好食嘅日本野,真係要黎呢度試試!
張貼