867
58
41
等級4
143
0
2021-01-15 3619 瀏覽
呢間都係黃店之一,係times square後面嘅百樂中心樓上舖,附近都有幾間黃店,呢日嚟到都幾爆場,亦有幾個人係出面排隊,想食最好就預先book。店舖主打家庭式日式料理,串燒、炸物、刺身壽司、小菜樣樣都有,點菜方面好特別,每枱都有部ipad比你睇住圖嚟叫,仲可以望到total價錢,咁就唔驚叫得太多會over budget。邪惡包(帶子、鵝肝)本身係ipad唔係好睇得清楚入面有咩,不過既然叫得呢個名,就試試佢啦!原來紫菜入面係上下兩層帶子,夾住中間既鵝肝,見到已經心心眼,食落去油脂豐腴,充滿鵝肝香味,整體嘅口感好軟滑,一啖一個,堅係😈邪惡。 胡椒豬骨湯煮蜆呢個又係值得推介嘅菜式,蜆份量好多,個湯胡椒味濃,飲落好暖胃、好舒服,成個湯飲晒都唔覺得頸渴,係有少部分蜆有沙。心之蛋卷幾特別嘅玉子燒,入面除咗大路既蟹籽沙律,仲夾咗一絲絲既三文魚肉,有三文魚獨有嘅香味,玉子燒幾軟滑。厚燒牛舌心呢度有唔少串燒炸物可以選擇,見到呢個厚燒牛舌就抵受唔住誘惑要同隻牛打吓茄輪(詳細形容可以睇番杜文澤yellowopenrice彩虹串燒個集🤪),串燒有3塊厚切嘅牛舌,肉質啱啱好,軟腍得嚟保留少少咬口,面頭灑上唔
更多
呢間都係黃店之一,係times square後面嘅百樂中心樓上舖,附近都有幾間黃店,呢日嚟到都幾爆場,亦有幾個人係出面排隊,想食最好就預先book。店舖主打家庭式日式料理,串燒、炸物、刺身壽司、小菜樣樣都有,點菜方面好特別,每枱都有部ipad比你睇住圖嚟叫,仲可以望到total價錢,咁就唔驚叫得太多會over budget。

邪惡包(帶子、鵝肝)
本身係ipad唔係好睇得清楚入面有咩,不過既然叫得呢個名,就試試佢啦!原來紫菜入面係上下兩層帶子,夾住中間既鵝肝,見到已經心心眼,食落去油脂豐腴,充滿鵝肝香味,整體嘅口感好軟滑,一啖一個,堅係😈邪惡。
胡椒豬骨湯煮蜆
呢個又係值得推介嘅菜式,蜆份量好多,個湯胡椒味濃,飲落好暖胃、好舒服,成個湯飲晒都唔覺得頸渴,係有少部分蜆有沙。

心之蛋卷
幾特別嘅玉子燒,入面除咗大路既蟹籽沙律,仲夾咗一絲絲既三文魚肉,有三文魚獨有嘅香味,玉子燒幾軟滑。

厚燒牛舌心
呢度有唔少串燒炸物可以選擇,見到呢個厚燒牛舌就抵受唔住誘惑要同隻牛打吓茄輪(詳細形容可以睇番杜文澤yellowopenrice彩虹串燒個集🤪),串燒有3塊厚切嘅牛舌,肉質啱啱好,軟腍得嚟保留少少咬口,面頭灑上唔少黑胡椒粒,幾香口。

心心三文魚飯
唔止個飯砌成心形,連上面粒wasabi都係心型🤣。上面鋪滿半生熟既三文魚粒,仲有唔少蟹籽同沙律醬,三文魚生熟程度剛好,既軟滑又香口,如果呢個飯同普通魚生飯相比,會更prefer呢個。

日式炒雜菌
呢個就正正常常。

人均消費:$230
推介指數(10分為滿分):8.5分
23 瀏覽
0 讚好
0 留言
31 瀏覽
0 讚好
0 留言
24 瀏覽
0 讚好
0 留言
29 瀏覽
0 讚好
0 留言
23 瀏覽
0 讚好
0 留言
15 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2020-03-18
用餐途徑
堂食
人均消費
$230 (晚餐)