影片
更多
2022-11-06
52 瀏覽
📍Checkin In Taipei近排行過海港城，見到原來checkin taipei開左喺到，裝修都幾特別，同佢哋中環嘅分店唔同，私心覺得呢度靚好多，原來係旗艦店嚟😛👅明太子甜不辣 $78同平時嘅甜不辣唔同，呢個甜不辣係脆口嘅，再加埋上面嘅明太子，鹹鹹辣辣，係另一番風味～咬落去煙煙韌韌，覺得大家應該要試吓呢一種煮法嘅甜不辣🤤👅髒髒鹹蛋黃芋泥蛋餅 $88呢個蛋餅賣相超級靚，裡面既芋泥好滿，芋泥亦都好軟好淋，成個蛋餅肥嘟嘟😚面頭仲有啲鹹蛋黃碎，蛋餅都幾飽肚，兩三個人share黎食都得👅招牌牛肉麵 $118面底可以揀刀削麵或者寬粉絲，今次我揀左寬粉絲，另外碗邊會有一舊辣牛油🧈辣度易入口，大眾都容易接受😎寬粉絲好彈牙，掛湯啲，湯底甜甜地，配料有幾款，魚片感覺好似海綿，牛肉亦都好林，仲有溏心蛋～👅手工鳳梨酥麻糬蛋撻 $48完全係為咗呢舊蛋撻而過嚟，果然冇令我失望😝睇餐牌都唔覺得咁大舊，上到枱係重量級😳蛋撻皮完全係驚喜之作，係我最鍾意嘅曲奇皮，好香牛油味，厚薄適中又唔乾，入面仲有好好咬既麻糬同埋鳳梨果肉，酸酸甜甜，最面頭嘅蛋漿亦都好滑🤩一定要叫黎試！🤩👅木瓜牛乳 $52食台灣餐廳，點可以唔試下
近排行過海港城，見到原來checkin taipei開左喺到，裝修都幾特別，同佢哋中環嘅分店唔同，私心覺得呢度靚好多，原來係旗艦店嚟😛
👅明太子甜不辣 $78
同平時嘅甜不辣唔同，呢個甜不辣係脆口嘅，再加埋上面嘅明太子，鹹鹹辣辣，係另一番風味～咬落去煙煙韌韌，覺得大家應該要試吓呢一種煮法嘅甜不辣🤤
👅髒髒鹹蛋黃芋泥蛋餅 $88
呢個蛋餅賣相超級靚，裡面既芋泥好滿，芋泥亦都好軟好淋，成個蛋餅肥嘟嘟😚面頭仲有啲鹹蛋黃碎，蛋餅都幾飽肚，兩三個人share黎食都得
👅招牌牛肉麵 $118
面底可以揀刀削麵或者寬粉絲，今次我揀左寬粉絲，另外碗邊會有一舊辣牛油🧈辣度易入口，大眾都容易接受😎寬粉絲好彈牙，掛湯啲，湯底甜甜地，配料有幾款，魚片感覺好似海綿，牛肉亦都好林，仲有溏心蛋～
👅手工鳳梨酥麻糬蛋撻 $48
完全係為咗呢舊蛋撻而過嚟，果然冇令我失望😝睇餐牌都唔覺得咁大舊，上到枱係重量級😳蛋撻皮完全係驚喜之作，係我最鍾意嘅曲奇皮，好香牛油味，厚薄適中又唔乾，入面仲有好好咬既麻糬同埋鳳梨果肉，酸酸甜甜，最面頭嘅蛋漿亦都好滑🤩一定要叫黎試！🤩
👅木瓜牛乳 $52
食台灣餐廳，點可以唔試下木瓜牛乳，呢杯嘅木瓜份量勁多，做到差不多50/50，好飲😋
👅芭樂苦瓜汁 $52
如果接受到苦瓜汁嘅，試吓都無妨，如果怕苦嘅話千祈唔好叫🤪
張貼
