牛匠石燒 (已結業)

今晚同朋友食燒肉, 去左尖沙咀金馬倫道牛匠石燒食燒肉. 疫情後都未去過日本, 唯有食下日本野解下愁啦.安格斯牛小排 – 肉脂豐富, 牛肉味香濃, 燒燶少少更加惹味, 但唔會老.無激素雞頸肉 – 非常鮮嫩嘅雞肉, 肉汁豐富, 雞肉好滑.燒原隻日本魷魚 - 魷魚肉身彈牙, 配上獨特醬汁, 非常好味.明太子玉子燒 – 蛋味香濃, 啱哂小朋友食.彩虹水果茶 – 天氣悶熱, 飲呢杯生果茶真係透心涼, 生果茶真係講得出嘅生果都有, 爽呀.草莓乳酸 – 酸酸甜甜, 飲左直頭醒神又開胃，啱曬熱辣辣夏天.