點滾鮮點心火鍋

營業中

休息中

剛試間主打台式火鍋加港式點心任食放題，我今次揀咗至尊澳洲和牛火鍋餐，呢度主要係卡座，坐得舒服乾淨，仲可以自己投屏，睇波、煲劇，120分鐘慢慢歎，爽！ 8款台式特色火鍋湯底任揀，推介台式麻辣鍋同養生雞湯。澳洲無激素牛肉肉質嫩滑，油脂分布勻稱，一涮就食得，牛味濃郁。除咗和牛，仲有其他牛肉選擇，質素都不錯，唔會欺場。海鮮都幾新鮮，有海蝦、鱸魚片、扇貝、蝦滑、墨魚滑同魷魚等。 重點嚟喇！佢哋嘅港式點心同台式小食竟然都係任食，真係好抵！點心每日新鮮製作，蝦餃、燒賣、金錢牛肚、鳳爪等，熱辣辣上枱，好有水準，比在旁的酒樓更勝一籌，下次一定再來！