峇里堂

高質抵食。BaliTown 喺香港， 搵一間好味嘅泰國菜其實一啲都唔難， 反觀印尼菜， 其實香港選擇唔多。細個，我爸爸媽媽就最鍾意去銅鑼灣一間印尼餐廳食飯， 我嘅印象就係昏暗嘅餐廳，巴東牛肉同千層糕😆今日經過尖沙咀呢間印尼菜餐廳，令我感覺煥然一新，一入到去，地方既寬敞又光猛，未食已經覺得好舒服，成間cafe咁😍🌟不變，招牌巴東牛肉飯(金貝飯)呢個巴東牛肉有別於傳統做法， 味道少少偏甜而牛肉有口感， 配咗個金貝飯，粒粒分明， 配醬汁食，好夾，好好味😋😋🌟香濃，惹味醬燒雞髀飯🍗上枱不得了，原隻燒雞髀， 呢個醬汁同巴東牛肉個汁就唔同，味道較惹味， 雞髀好大隻，非常滿足😋😋🌟峇里堂海鮮煎🍤呢個口感好豐富，最底係煎蛋，中間係海鮮同醬汁，上面仲有香脆蝦片， 我幾鍾意☺️🌟峇里堂真多雞冰冰(椰子味)呢個真係不得了，一定要試😍😍 類似珍多冰嘅組合， 加上椰子味雪糕冰球， 少少焦糖醬，就算喺附近食飽飯，上嚟食個雞冰冰都值呀😎😎有機會試下佢個海鹽味雪糕， 可能仲有驚喜。 🌟玫瑰鮮奶咖啡☕️不得不提佢地啲飲品， 估唔到咖啡做得幾出色，賣相又靚，值得一試。 🌟鮮青檸梳打🍹食濃味嘢配一杯青檸梳打真係冇得輸， Ha