更多
2022-07-21
1565 瀏覽
以前飛曼谷已經好鐘意幫襯Nara，宜家無得去，唯有去沙田嘅分店止吓癮。蝦片 $15一入座已經自動上，加入咗黑椒嘅蝦片有少少辣，好食到停唔到口。香脆蝦餅 $58（三件）有得揀六件或者三件，今日得兩個人食又想試多幾款嘢食，有得叫半份真係好貼心。蝦餅件件都漲卜卜好飽滿，外脆內彈牙，必食推介！鹹蛋青木瓜沙律$98顔色配搭好鮮艷好靚。青木瓜絲爽口清脆，味道酸酸辣辣好醒胃。可以揀少辣或者走辣。香脆芝麻豬頸肉 $88肉質勁爽口彈牙，好香口惹味。泰式炒通菜 $68通菜好嫩，不油膩。呢道菜亦都有得揀少辣或者走辣。菠蘿肉鬆海鮮炒飯 $128菠蘿炒飯嘅重點當然係要用菠蘿嚟裝啦！加入菠蘿粒同提子乾嘅炒飯帶有甜甜酸酸嘅味道，而腰果同肉鬆更為炒飯增加脆脆嘅口感，加上面大大隻嘅虎蝦，咁先賣128蚊，真係好抵食！鮮椰子沙冰 $55沙冰幼滑，啖啖都有椰子肉，真材實料。凍班蘭龍眼蜜 $38好清甜，有淡淡嘅斑蘭香味。Nara環境舒適坐得舒服，食物有水準，價錢仲比同級嘅泰國餐廳平添！另外仲有一樣野我覺得好好嘅就係呢度有素食菜單㗎！
蝦片 $15
一入座已經自動上，加入咗黑椒嘅蝦片有少少辣，好食到停唔到口。
香脆蝦餅 $58（三件）
有得揀六件或者三件，今日得兩個人食又想試多幾款嘢食，有得叫半份真係好貼心。蝦餅件件都漲卜卜好飽滿，外脆內彈牙，必食推介！
鹹蛋青木瓜沙律$98
顔色配搭好鮮艷好靚。青木瓜絲爽口清脆，味道酸酸辣辣好醒胃。可以揀少辣或者走辣。
香脆芝麻豬頸肉 $88
肉質勁爽口彈牙，好香口惹味。
泰式炒通菜 $68
通菜好嫩，不油膩。呢道菜亦都有得揀少辣或者走辣。
菠蘿肉鬆海鮮炒飯 $128
菠蘿炒飯嘅重點當然係要用菠蘿嚟裝啦！加入菠蘿粒同提子乾嘅炒飯帶有甜甜酸酸嘅味道，而腰果同肉鬆更為炒飯增加脆脆嘅口感，加上面大大隻嘅虎蝦，咁先賣128蚊，真係好抵食！
鮮椰子沙冰 $55
沙冰幼滑，啖啖都有椰子肉，真材實料。
凍班蘭龍眼蜜 $38
好清甜，有淡淡嘅斑蘭香味。
Nara環境舒適坐得舒服，食物有水準，價錢仲比同級嘅泰國餐廳平添！另外仲有一樣野我覺得好好嘅就係呢度有素食菜單㗎！
張貼
