更多
2019-11-07
554 瀏覽
一向都好鍾意食台灣野,聽朋友講將軍澳有間食台灣野係幾好味嘅,今日雖然遲左放工,依然決定去會一會。八點幾去到,間餐廳都幾多人,好彩等左一陣都可以入坐啦,一睇個Menu,有好多唔同嘅菜式,乜都唔好叫咗小食先,我哋要咗椒鹽花枝丸同埋桂花雞翼,上菜嘅時候仲係熱辣辣,都唔錯。主食方面,我點左三杯雞套餐,有好軟綿綿嘅飯,惹味嘅三杯雞,仲有送上湯浸時蔬,仲有一碗燉湯添,個湯係冇味精添加,都好鮮甜,適合啲平時冇住家湯飲嘅人。同行嘅朋友叫咗個牛肉麵,都好足料,有牛丸、牛腩,湯底都好濃郁,仲有藥膳味道,如果麵質硬返少少會更有口感。另外,我要咗一杯火龍果特飲,係用紅火龍果做嘅,味道好新鮮。朋友就要左招牌嘅水果茶,佢都幾滿意。裝修方面,餐廳採用台灣風格,牆上有一整排嘅書,屬於清新小文清路線。當晚見到其他枱都係一啲同朋友聚餐嘅客人,氣氛熱鬧。餐廳入面有幾張大嘅木枱,適合一大班朋友過嚟傾計聚會。總括黎講,餐廳晚餐都價錢相宜,最貴嘅都只不過係80幾蚊,但係質素有保證,我會話為之驚喜,有機會會再來食
八點幾去到,間餐廳都幾多人,好彩等左一陣都可以入坐啦,一睇個Menu,有好多唔同嘅菜式,乜都唔好叫咗小食先,我哋要咗椒鹽花枝丸同埋桂花雞翼,上菜嘅時候仲係熱辣辣,都唔錯。
主食方面,我點左三杯雞套餐,有好軟綿綿嘅飯,惹味嘅三杯雞,仲有送上湯浸時蔬,仲有一碗燉湯添,個湯係冇味精添加,都好鮮甜,適合啲平時冇住家湯飲嘅人。
同行嘅朋友叫咗個牛肉麵,都好足料,有牛丸、牛腩,湯底都好濃郁,仲有藥膳味道,如果麵質硬返少少會更有口感。
另外,我要咗一杯火龍果特飲,係用紅火龍果做嘅,味道好新鮮。朋友就要左招牌嘅水果茶,佢都幾滿意。
裝修方面,餐廳採用台灣風格,牆上有一整排嘅書,屬於清新小文清路線。當晚見到其他枱都係一啲同朋友聚餐嘅客人,氣氛熱鬧。餐廳入面有幾張大嘅木枱,適合一大班朋友過嚟傾計聚會。
總括黎講,餐廳晚餐都價錢相宜,最貴嘅都只不過係80幾蚊,但係質素有保證,我會話為之驚喜,有機會會再來食
張貼