影片
更多
2022-01-17
197 瀏覽
推薦指數：🌕🌕🌕🌕🌗（5🌕滿分）火鍋店環境行木系小清新風格，令一耳目一新食物種類好多，而且可以無限時任食，周圍好多人早過我哋到，遲過我地走，人均5百幾蚊食足一個下晝好抵呀！【台灣養生涮涮鍋吃到飽套餐】19款湯底 任君選擇🍲今次揀左🥥藥膳椰子雞涮涮鍋，滾緊時已聞到陣陣椰香，椰子雞湯超清甜，我同男朋友不停添飲，試埋雞件，佢仲話從來未食過咁滑嘅雞餐廳好貼心，一早已經擺左2壺養生湯底係檯，方便我地食完椰子雞加湯打邊爐前菜🌟自家製shake shake黃金地瓜條有4款口味嘅shake shake粉：麻辣、海苔、甘酶、蕃茄，試左海苔粉，同蕃薯條出奇地夾必點火鍋料🌟美國SRF極黑和牛肩脊肉油脂分布平均，食落好香和牛味，而且超薄切，淥幾秒食嘅口感係最好🌟Prime安格斯牛頸脊雖然比牛肩脊嘅油脂冇咁多，但油花好靚，食落感覺冇咁大罪惡感🌟西班牙伊比利亞黑毛豬自從喺但馬屋食過好味嘅豬後，再次喺呢度食返同等級數嘅靚🐷，同牛一樣淥幾秒就食得，唔會鞋口，仲有豬肉嘅鮮味添🌟生猛海蝦大隻、新鮮、彈牙🌟爆醬濃芝牛丸一咬開超多肉汁，牛丸入面有芝士，但冇掩蓋牛味飲品、甜品🌟黑糖冬瓜檸檬茶喺餐廳自家製入樽嘅飲品，黑糖味好出，
火鍋店環境行木系小清新風格，令一耳目一新
食物種類好多，而且可以無限時任食，周圍好多人早過我哋到，遲過我地走，人均5百幾蚊食足一個下晝好抵呀！
【台灣養生涮涮鍋吃到飽套餐】
19款湯底 任君選擇
🍲今次揀左🥥藥膳椰子雞涮涮鍋，滾緊時已聞到陣陣椰香，椰子雞湯超清甜，我同男朋友不停添飲，試埋雞件，佢仲話從來未食過咁滑嘅雞
餐廳好貼心，一早已經擺左2壺養生湯底係檯，方便我地食完椰子雞加湯打邊爐
前菜
🌟自家製shake shake黃金地瓜條
有4款口味嘅shake shake粉：麻辣、海苔、甘酶、蕃茄，試左海苔粉，同蕃薯條出奇地夾
必點火鍋料
🌟美國SRF極黑和牛肩脊肉
油脂分布平均，食落好香和牛味，而且超薄切，淥幾秒食嘅口感係最好
🌟Prime安格斯牛頸脊
雖然比牛肩脊嘅油脂冇咁多，但油花好靚，食落感覺冇咁大罪惡感
🌟西班牙伊比利亞黑毛豬
自從喺但馬屋食過好味嘅豬後，再次喺呢度食返同等級數嘅靚🐷，同牛一樣淥幾秒就食得，唔會鞋口，仲有豬肉嘅鮮味添
🌟生猛海蝦
大隻、新鮮、彈牙
🌟爆醬濃芝牛丸
一咬開超多肉汁，牛丸入面有芝士，但冇掩蓋牛味
飲品、甜品
🌟黑糖冬瓜檸檬茶
喺餐廳自家製入樽嘅飲品，黑糖味好出，配上檸檬茶底多了份清新
🌟薑母茶（熱）
好欣賞有多款飲品放咗喺暖櫃，冬天飲真係暖笠笠，當中我試咗薑母茶同解茶，薑母茶比較適合熱飲，薑味夠出
🌟Movenpick楓糖合桃雪糕
每人限叫一次甜品，我地揀咗呢款，有楓糖嘅甜，有合桃有啲咬口，亦中和返雪糕嘅甜，最抵讚係送到黎時唔會太冰，超容易勺到黎
張貼
