更多
2020-05-19
3736 瀏覽
唔想得罪任何人 , 但諗落實在好搞笑 ....因為每次見到印度餐廳嘅評論 , 就總係離不開 "正宗印度咖哩" 又或者 "今晚食咖哩" 之類的 title ....可能係因為我係 葡萄牙&中國 混血兒 , 而我自細就同印度人一齊長大嘅關係 , 我開香料公司, 同對印度菜實在太熟悉 , 所以自不然覺得好好笑 .... 其實咖哩只是一種統稱 , 印度人/巴基斯坦人 , 係唔會話 "我去食咖哩的" , 咁樣好奇怪 , 因為每道菜都有名 ; 奇怪程度就好似 , 某一些外國人對中餐不認識 , 就以 fried rice 同 dim sum 來代表所有中國菜一樣 ~ 我唔係想得罪人 , 但真係笑Q死我 ~而且印度菜變化多端 , 就是南、北印度菜的煮法、味道和香料嘅配搭 , 都已經大不相同 ; 當然亦都存在了傳統同 & 新派的菜式 ~OK 啦 , 為配合大家 , 咁我寫 , "今晚去食咖哩" 等大家開心下 ~印度菜餐廳 Curry leaf 咖哩葉 , 餐廳裝修得富時代感 , 有酒吧餐廳 feel, 氣氛夠 chill ~Menu ~坐定定 , 讀餐牌的時候 , 侍應生就端來新鮮又熱辣辣的 胡椒餅 p
因為每次見到印度餐廳嘅評論 , 就總係離不開 "正宗印度咖哩" 又或者 "今晚食咖哩" 之類的 title ....
可能係因為我係 葡萄牙&中國 混血兒 , 而我自細就同印度人一齊長大嘅關係 , 我開香料公司, 同對印度菜實在太熟悉 , 所以自不然覺得好好笑 .... 其實咖哩只是一種統稱 , 印度人/巴基斯坦人 , 係唔會話 "我去食咖哩的" , 咁樣好奇怪 , 因為每道菜都有名 ; 奇怪程度就好似 , 某一些外國人對中餐不認識 , 就以 fried rice 同 dim sum 來代表所有中國菜一樣 ~ 我唔係想得罪人 , 但真係笑Q死我 ~
而且印度菜變化多端 , 就是南、北印度菜的煮法、味道和香料嘅配搭 , 都已經大不相同 ; 當然亦都存在了傳統同 & 新派的菜式 ~
OK 啦 , 為配合大家 , 咁我寫 , "今晚去食咖哩" 等大家開心下 ~
印度菜餐廳 Curry leaf 咖哩葉 , 
餐廳裝修得富時代感 , 有酒吧餐廳 feel, 氣氛夠 chill ~
Menu ~
坐定定 , 讀餐牌的時候 , 侍應生就端來新鮮又熱辣辣的 胡椒餅 poppadom , 其胡椒味重又夠脆身 , 實在不俗 , 不用沾上醬料 , 已經很好吃 ~
Kashmiri Naan 乾果烤餅 : 其實更貼切的譯名 , 應該是 "喀什米爾烤餅" ; 就是省份 喀什米爾 的一種烤餅 , 是夾著堅果碎和葡萄乾烤成的 , 餅烤得鬆軟 , 味道香甜 , 不油不膩 , 勁好食 , 廚師果然好手勢 ~
Chicken Sahi Korma 白咖哩雞 : 看來店家係方便香港人的理解 , 所以都翻譯做咖哩 .... 更貼切的譯名應該是 "香料&腰果燴雞" ; 在古時的印度 , 這道菜是宮廷菜 , 並非一般平民所能食用的 ; 煮法就是用腰果奶 (有時還會加上杏仁) , 加上荳蔻、子然籽和另外一些適時的香料 , 加入雞肉所煮成 ; 當然各師各法 , 但基本的質感和味道都不會相差太遠 ; 這店的廚師 , 就把這道菜拿捏得不錯 , 汁底濃郁 , 入口奶滑柔順 , 雞肉入味而不乾柴 , 有堅果味而不會過重 , 味道微辣 , 一切味道都很平衡 , 其味不俗 ~
Chana Masala 瑪莎拉鷹嘴豆 : 乃一家常菜 , 在印度、尼泊爾、巴基斯坦 , 家家戶戶都會煮來吃 , 但要煮得好吃 , 是頗需技巧的 ; 這間餐廳的廚師就煮得十分不錯 , 雞心豆都煮得入味 , 且煮得剛剛好 , 粒粒見型 , 不會過腍也不會太實 ; 醬汁稀傑度煮得適中 , 香料味重而不會過搶 , 微辣而不燥 , 配飯或配烤餅都一流 ~總括來說 : 廚師好手勢 , 食物傳統又美味 ~
我又多口講一句 .... 完全適合香港人口味的 , 就不是傳統印度菜 ; 想吃傳統印度菜的味道 , 就要先撇下固有口味的概念 ~
本篇完 ~
張貼
