黑樺牛 (已結業)

一向都鍾意食打邊爐既我今次約埋牛魔皇朋友黎到依間主打日本直送 A5和牛「黑樺牛」，120分鐘任飲任食放題每位$438，雖然價錢比其他較為貴，但和牛質素甚高，齋食牛肉已經易回本頭盤有冬瓜豆腐燉海鮮湯、鬼馬油炸鬼同麻辣拼盤有牛𦟌同皮蛋，燉湯有冬瓜 ，豆腐同大蝦感覺幾足料，飲落鮮甜，油炸鬼系用墨魚滑釀油炸鬼，食落酥脆香口，墨魚滑彈牙黑樺牧場精選層架上層有和牛，中層有五花腩，底層有蟹籽蝦滑同黑松露墨魚滑，和牛油脂分布平均，蝦滑同墨魚滑質地綿滑，口感好爽彈湯底揀左北海道豆乳玫瑰芝士鍋（每日限量供應），豆乳芝士呈現玫瑰花形，打卡一流，湯底有淡淡豆乳味同芝士咸味，日本直送廣島牡蠣及大蝦拼盤，大蝦新鮮彈牙，生蠔亦超大隻相當鮮甜肥美 ，海水味超濃郁，非常滋味A5和牛其中我地試左玉子後腰肉，肉質細嫩，拌蛋漿後令牛肉更滑身，口感幾濃郁，另外特上霜降小排脂肪含量高，肉質幼嫩油香突出，飲品方面有自家冷泡茶同自家制沙冰，有草莓乳酸同楊枝甘露味，飲落消暑解膩一流，甜品有本地品牌雪糕波波，整體方面，食材高質，鍾意食和牛同海鮮既朋友仔吾好錯過