粵桂樓 (已結業)

星期五同兩位好姊妹一齊食晚飯，選擇左去中環一間粵菜。嚟到 California tower 嘅粵桂樓，之前其實都嚟過一樓嘅酒吧但唔知道原來2樓係一間粵菜。入到嚟覺得呢度裝修幾高級，不過係2樓都可以望到一樓嘅DJ枱同埋燈光，感覺好得意 經理遞上餐牌同我哋介紹咗一啲推介菜式，我哋就點餐啦。前菜繫黑魚子流心燻蛋，魚子味好香！主菜我哋每人都揀左一份羽衣甘藍龍躉球，知道雨衣甘藍係今年火爆嘅超級食物，用係粵菜裏面顯得廚師嘅心思。魚肉十分滑，旁邊綠色的係蛋白。雞樅菌千頁豆腐，呢個雖然等左有啲耐但係見到豆腐真係一片一片咁切出嚟又細滑又薄身，廚師刀功真係精湛！個汁食唔出係乜但十分之好味。椰香脆皮燒春雞，雞外脆內軟，而且椰香味濃，非常推介！甜品我地叫左貢品桃膠豆腐花，黃色係類似creme brulee 的味道（唔記得個名），紫色係紫薯布甸，三款甜品都好好味而且仲有乾冰嘅煙霧效果一想你三個女仔就即刻相機食先啦！食到好飽之後經理仲送咗個鳳梨酥，係廚師親自烘培，絕對不輸台灣鳳梨酥！另外見到佢哋午餐餐牌，價錢比較實惠非常適合喺中環返工嘅上班族作商務午餐。