更多
2020-06-06
1070 瀏覽
今晚同男朋友食餐好啲既,係公司附近搵到呢間黃店私房菜💛我地叫左個3 course dinner set首先上左熱辣辣既餐包,仲有提供黑醋同橄欖油。First course係西班牙凍湯同鰹魚凍豆腐,西班牙凍湯好適合女士飲,因為蕃茄同紅椒,所以個湯好重蔬菜味,岩哂怕油膩既女仔,鰹魚凍豆腐食落好清新,豆腐上面仲有一啲脆條,配埋滑滑既豆腐口感一流。Second course係煙燻挪威三文魚配龍眼肉、三文魚子,龍眼肉配三文魚子呢個配搭好新穎,龍眼肉既甜同三文魚子既魚油甘香出奇地夾,濃濃既煙燻風味加上三文魚既油脂同魚味配搭得岩岩好。Second course仲有牛肉薄片配熱情果,薄切牛肉煮到岩岩好半熟,食落完全唔會靭,配埋少少酸的熱情果汁,食完好開胃。到main course我地叫左個味噌比目魚配日本原木菇鰹魚湯,個比目魚好出色,魚肉食落好滑但又唔會散開哂,個魚皮少少脆再加埋味噌,我同男朋友都食到停唔到口。另一個main course係烤西冷扒配公爵夫人馬鈴薯、雪梨醋燒汁,西冷扒好厚身,肉質好結實,中間紅紅地唔會煮到過熟,另外不得不提個馬鈴薯係有驚喜,外皮脆口內裡軟熟。整體個3 course di
我地叫左個3 course dinner set
首先上左熱辣辣既餐包,仲有提供黑醋同橄欖油。
First course係西班牙凍湯同鰹魚凍豆腐,西班牙凍湯好適合女士飲,因為蕃茄同紅椒,所以個湯好重蔬菜味,岩哂怕油膩既女仔,鰹魚凍豆腐食落好清新,豆腐上面仲有一啲脆條,配埋滑滑既豆腐口感一流。
Second course係煙燻挪威三文魚配龍眼肉、三文魚子,龍眼肉配三文魚子呢個配搭好新穎,龍眼肉既甜同三文魚子既魚油甘香出奇地夾,濃濃既煙燻風味加上三文魚既油脂同魚味配搭得岩岩好。
Second course仲有牛肉薄片配熱情果,薄切牛肉煮到岩岩好半熟,食落完全唔會靭,配埋少少酸的熱情果汁,食完好開胃。
到main course我地叫左個味噌比目魚配日本原木菇鰹魚湯,個比目魚好出色,魚肉食落好滑但又唔會散開哂,個魚皮少少脆再加埋味噌,我同男朋友都食到停唔到口。
另一個main course係烤西冷扒配公爵夫人馬鈴薯、雪梨醋燒汁,西冷扒好厚身,肉質好結實,中間紅紅地唔會煮到過熟,另外不得不提個馬鈴薯係有驚喜,外皮脆口內裡軟熟。
整體個3 course dinner set份量到好足夠,而且個dinner set都只係HKD328一個人,比我想像中平。
張貼