上岸料理 (已結業)

呢間餐廳嘅環境好有日本feel，成個dinner嘅過程我都好enjoy!白身魚海膽卷係必試，佢落得妳足料，好多海膽包咗喺入面，成啖食落去，啖啖海膽鮮味。佢同白身魚嘅口感都好配合。呢個係黑鱸魚刺身平時好少可以食到，黎呢度就一定要試下，由於佢好厚身，所以食落去有一定嘅咬感，佢層魚皮都幾香口。赤雞香味燒都燒得好好味，首先雞本身已經好嫩滑， 而且佢層皮燒得好脆口，配埋嫩滑嘅雞的口感就唔錯。豚角燒同埋關東煮一齊嚟食就最好不過。冬天暖笠笠，食呢啲暖暖地嘅嘅嘢真係好開胃， 而且佢分量都幾多，好夠飽肚。總括黎講，呢間日本餐廳好值得去，服務當然好好，最欣賞佢嘅就係無論環境定係食物嘅味道都好地道。