影片
更多
2023-02-24
105 瀏覽
加州大廈都有幾多高質嘅餐廳，今次試咗呢間扒房主打海鮮同牛扒，餐廳裝潢有格調，情調氣氛都相當不錯！.🥖 餐前麵包每枱都會送上麵包籃，酸種麵包外脆內綿密，薄脆片脆卜卜帶蒜香。.🦞 龍蝦湯 $178龍蝦湯用玻璃器皿盛載，店員慢慢倒入碟內，幾有儀式感！龍蝦肉質爽彈煎過更香，龍蝦味湯底質感濃稠，啖啖充滿鮮味，加咗cream令口感更幼滑creamy。.🐙 西班牙八爪魚 $280原先以為肉質會偏彈牙，但原來係軟腍帶點Q彈，鬚尖位更燒到焦香微脆，口感好好。薯蓉配辣香腸醬，帶點顆粒口感更豐富，香濃惹味。.🥘 Casereccia $288呢款係佢哋嘅signature pasta，自製肉腸鹹香味鮮，牛肝菌、黑松露醬汁濃稠帶豬肉脂香，捲麵口感煙韌，每啖都蘸滿醬汁，雖然食多咗有少少膩但又食唔停口(๑˃̵ᴗ˂̵).🥩 日本赤城550日穀飼純種和牛肉眼扒/200g $550薄切和牛肉眼扒大大塊，肉質柔軟嫩滑，充滿油脂甘香又唔會肥膩，接近有入口即溶嘅感覺。.🥩 美國USDA Prime 400日穀飼純種黑安格斯西冷扒/200g $358叫咗medium，時間控制得好好，表面煎到靚靚嘅格仔紋，切開鮮嫩多汁，肉質有彈性嚼
.
🥖 餐前麵包
每枱都會送上麵包籃，酸種麵包外脆內綿密，薄脆片脆卜卜帶蒜香。
.
🦞 龍蝦湯 $178
龍蝦湯用玻璃器皿盛載，店員慢慢倒入碟內，幾有儀式感！龍蝦肉質爽彈煎過更香，龍蝦味湯底質感濃稠，啖啖充滿鮮味，加咗cream令口感更幼滑creamy。
.
🐙 西班牙八爪魚 $280
原先以為肉質會偏彈牙，但原來係軟腍帶點Q彈，鬚尖位更燒到焦香微脆，口感好好。薯蓉配辣香腸醬，帶點顆粒口感更豐富，香濃惹味。
.
🥘 Casereccia $288
呢款係佢哋嘅signature pasta，自製肉腸鹹香味鮮，牛肝菌、黑松露醬汁濃稠帶豬肉脂香，捲麵口感煙韌，每啖都蘸滿醬汁，雖然食多咗有少少膩但又食唔停口(๑˃̵ᴗ˂̵)
.
🥩 日本赤城550日穀飼純種和牛肉眼扒/200g $550
薄切和牛肉眼扒大大塊，肉質柔軟嫩滑，充滿油脂甘香又唔會肥膩，接近有入口即溶嘅感覺。
.
🥩 美國USDA Prime 400日穀飼純種黑安格斯西冷扒/200g $358
叫咗medium，時間控制得好好，表面煎到靚靚嘅格仔紋，切開鮮嫩多汁，肉質有彈性嚼勁，牛味濃郁。牛扒有3款醬汁同6款mustard可以選配，令味道更豐富。
.
🤎 香煎鵝肝/100g(加配) $198
鵝肝非常肥美，外層煎至微微焦脆，內裡軟嫩細滑，油脂豐富，完全入口即溶( ˘ ³˘)
.
總括而言：餐廳用餐環境寬敞舒適，情調十足。每道菜都有水準，除咗à la carte，不同日子仲有Let’s Meat / Shell We Meet / Weekend Brunch等任食選擇！服務亦好細心，會keep住換碟同添水，比得上酒店嘅質素！就快情人節啦，啱晒去慶祝(●'◡'●)ﾉ♥
張貼
