雲壽司

最近出咗糧，終於有機會試雲壽司，嗌咗個二人餐，食物包括每人六款壽司，三款魚生，鰻魚飯（細碗），同埋吞拿魚茸飯。
.
兩個人食，有師傅喺面前握壽司俾我哋，衝擊我哋味覺同視覺，令我哋有雙重享受，由於我哋一開門就到，所以我地有10-15分鐘係餐廳入邊唯一嘅客人。
.
推介佢哋嘅油甘魚壽司，同埋海膽軍艦。兩個都係我覺得特別好食嘅嘢，仲有佢兩個飯都好好食。
.
唔會逐件壽司講，但係整體來講，佢哋用嘅食材好新鮮，唔會有雪味，同埋都係即叫即整，衛生情況亦都好好。如果有咩特別慶祝節日或者想普通食餐飯都可以嚟雲壽司！