利寶會館

營業中

休息中

呢間係中環世紀廣場入面既中菜，午市有套餐都有得食點心，晚市主要係小菜海鮮等前菜🌟水晶鮮蝦餃🌟一口和牛酥先會有兩小點前菜，蝦餃皮薄蝦肉餡多，和牛酥外皮非常酥脆湯🌟蜜瓜燉響螺湯燉湯清甜，入面都幾多料，有蜜瓜、螺肉、雞肉同豬肉主食🌟翡翠白玉六頭鮑魚鮑魚炆煮得夠時間，食落好軟腍，鮮味十足。菜同瓜點鮑魚汁都好好食🌟頭抽海虎蝦海虎蝦好大隻，肉質都非常爽口彈牙🌟香煎星斑扒表面有蔥花，星斑扒肉嫩滑，不過有少少幼骨，碟上仲有辣椒粉，鍾意食辣可以點啲🌟上湯浸菜苗今日係菠菜，食完魚清下味蕾準備食乳鴿🌟薑蔥焗乳鴿乳鴿嘅皮都幾脆，有少少焦香，底下有好多薑蔥，連埋一齊食仲冇咁膩。甜品🌟蛋白杏仁茶🌟酥皮蛋撻最後每人有兩款甜品，蛋白杏仁茶偏杰，杏仁味好濃郁唔甜。酥皮蛋撻好迷你，酥皮牛油味香濃。