47
15
7
等級4
2020-12-23 3036 瀏覽
早兩個星期同朋友去渣甸街「Rerere 1001」食串燒,發現原來同一個地址有兩間餐廳,日頭由「Rooftop Café by Momentum Coffee」經營,而夜晚就會變身為居酒屋,非常特別,所以今日又專登嚟試下呢間咖啡店嘅出品。裝修和環境同上次到訪時分別不大,不過可能因為今次係日頭嚟,所以覺得更加開揚光猛。餐廳設有室外露天座位,雖然地方不大,窄窄長長,但出嚟呼吸下新鮮空氣,感覺亦蠻不錯。先睇下餐牌,食物選項都唔算少,除了有早晨全餐、 藜麥沙律、溏心蛋、炒滑蛋、意粉等供應之外,另外仲有日式定食和丼飯。點咗個 Rooftop Breakfast 空中早晨全餐  ($158) 同 和牛胸腹定食。一向都好鍾意食 All Day Breakfast,貪佢夠大堆頭,用料又足,絕對係兩口子嘅 Comfort Food。呢度嘅早晨全餐亦唔例外,睇下材料幾豐富,有豬肉腸、煙三文魚、炒蛋、雜菌 、薯餅、牛油果、沙律菜、車厘茄同多士,加上擺碟又夠精美,絕對 IGable。豬肉腸味道唔錯,外皮煙韌 肉質厚實。薯餅即叫即炸,熱辣辣又脆口。三文魚卷成花朵狀,相當吸睛,肉質鮮嫩柔軟,入口帶淡淡煙熏香氣。牛
更多
早兩個星期同朋友去渣甸街「Rerere 1001」食串燒,發現原來同一個地址有兩間餐廳,日頭由「Rooftop Café by Momentum Coffee」經營,而夜晚就會變身為居酒屋,非常特別,所以今日又專登嚟試下呢間咖啡店嘅出品。
164 瀏覽
0 讚好
0 留言
233 瀏覽
0 讚好
0 留言
裝修和環境同上次到訪時分別不大,不過可能因為今次係日頭嚟,所以覺得更加開揚光猛。餐廳設有室外露天座位,雖然地方不大,窄窄長長,但出嚟呼吸下新鮮空氣,感覺亦蠻不錯。
170 瀏覽
1 讚好
0 留言
先睇下餐牌,食物選項都唔算少,除了有早晨全餐、 藜麥沙律、溏心蛋、炒滑蛋、意粉等供應之外,另外仲有日式定食和丼飯。
191 瀏覽
0 讚好
0 留言
點咗個 Rooftop Breakfast 空中早晨全餐  ($158) 同 和牛胸腹定食。一向都好鍾意食 All Day Breakfast,貪佢夠大堆頭,用料又足,絕對係兩口子嘅 Comfort Food。
107 瀏覽
0 讚好
0 留言
呢度嘅早晨全餐亦唔例外,睇下材料幾豐富,有豬肉腸、煙三文魚、炒蛋、雜菌 、薯餅、牛油果、沙律菜、車厘茄同多士,加上擺碟又夠精美,絕對 IGable。
58 瀏覽
0 讚好
0 留言
37 瀏覽
0 讚好
0 留言
34 瀏覽
0 讚好
0 留言
豬肉腸味道唔錯,外皮煙韌 肉質厚實。薯餅即叫即炸,熱辣辣又脆口。三文魚卷成花朵狀,相當吸睛,肉質鮮嫩柔軟,入口帶淡淡煙熏香氣。牛油果軟滑 Creamy,加埋鋪滿開心果碎粒嘅炒蛋,真係無得輸。
24 瀏覽
0 讚好
0 留言
至於另一客 Australia M4 Wagyu Plate Short Ribs 澳洲 M4 和牛胸腹定食  ($168)  分量亦夠晒睇頭。套餐配有 3 款前菜,包括芝士竹輪、中華沙律、芥末八爪魚,另外仲有薯仔沙律、溫泉蛋、珍珠白飯同甜品
20 瀏覽
0 讚好
0 留言
竹輪卷夠厚身,咬落口感十足,入面的爆醬芝士令人一試難忘。中華沙律翠綠清涼;八爪魚爽口彈牙,鮮味同芥辣味都好濃郁,但又唔會過份嗆鼻,辣度啱啱好。
14 瀏覽
0 讚好
0 留言
10 瀏覽
0 讚好
0 留言
10 瀏覽
0 讚好
0 留言
薯仔沙律內有蘋果和甘筍粒,味道比平日的日式薯仔沙律有層次。溫泉蛋一篤即穿,流出豐富蛋汁,拌飯吃超美味。和牛輕輕煎過,鎖住肉汁,入口一點也不韌,且肉味濃郁。
6 瀏覽
0 讚好
0 留言
飲品點咗 Latte ($45) 同 Cappuccino ($45),兩杯咖啡味道都唔錯,前者入口細滑,而後者就帶濃郁咖啡香,加上拉花線條分明,對比清晰,就算放耐了也不易散掉,令人賞心悅目。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食