極尚大瀛喜日本料理 (已結業)

朋友試過話呢間放題好食，所以今次搞聚會我即刻提議食呢間，大家都一致贊成。一入門口已經見到琳瑯滿目既飲品櫃，真係你講得出既佢都有，仲有沙律吧同小食區域，好多選擇。坐低即刻落單叫刺身，刺身都好新鮮，夠曬凍，特別推介蝦刺身，好鮮甜，啖啖肉。朋友重點推薦呢度個海膽手卷，果然好食，海膽無怪味，入口即溶，手卷細細個，食幾個都唔怕。鰻魚好食，夠肥美，燒得亦夠火喉。呢度d壽司多款，而且每件都細細件，我覺得餐廳非常貼心，等你可以試多d款，而唔係務求塞飽你好食既燒菠蘿唔係度度有，好多餐廳求其燒兩燒，但這裡燒得唔錯，好甜好好食。牛舌有驚喜！爽嫩有嚼勁，肉味自然，整體屬水準之上！甜品勁多選擇，係出面個甜品櫃到拎，雖然好多人左揀右揀，但職員補給都好快。仲有百福豆腐花，瘋狂掃食！二百幾既放題，意外地每道菜都好有水準，絕對值回票價。