影片
更多
2018-05-21
47 瀏覽
銅鑼灣京都廣場真係有好多好嘢食，今日來到八樓呢間漁火海鮮刺身火鍋店食好嘢。環境唔算太大，但係每張枱都好有空間感，以卡位為主，私隱度都幾好，坐落舒服，老闆兩公婆招呼好周到，又好有禮貌，令人有賓至如歸嘅感覺。雖然啲食物價錢都幾貴，但係淨睇相片都已經覺得食物質素水準好高，人一世物一世乜嘢都要試吓啦，所以就豁咗出去，叫了一個$198的花甲海蝦魚湯火鍋湯底，以及價值$428的漁火特選牛盛薈！花甲海蝦魚湯火鍋湯底材料非常豐富，包括有超大隻的貴妃蚌、海蝦、魚頭、豆腐、蕃茄等等。貴妃蚌好大隻，肉質好豐厚，真係第一次食，雖然啲蚌咁大隻，但係食落一啲都唔硬，重點係店舖將啲蚌的肚位清理得非常乾淨，令人食得好安心。另外，海蝦都有六隻，非常鮮甜彈牙！豆腐同蕃茄等配料份量都唔少，啲蕃茄仲好甜添！用咁多海鮮配料滾成的湯底，啖湯當然係相當鮮甜啦！至於個矜貴嘅牛肉拼盤則主要有：牛頸脊、牛邊位、頂級PRIME牛肉、極品牛舌芯、同埋一口和牛粒。份量真係King size，足夠四人食，我最鍾意係牛舌芯，好厚切，大大粒，雖然要滾好耐但係食落非常爽口，好有牛味。牛頸脊嘅好處係滾極都唔會硬，食落口比較軟淋。牛邊位就相對厚切，唔可以
環境唔算太大，但係每張枱都好有空間感，以卡位為主，私隱度都幾好，坐落舒服，老闆兩公婆招呼好周到，又好有禮貌，令人有賓至如歸嘅感覺。
雖然啲食物價錢都幾貴，但係淨睇相片都已經覺得食物質素水準好高，人一世物一世乜嘢都要試吓啦，所以就豁咗出去，叫了一個$198的花甲海蝦魚湯火鍋湯底，以及價值$428的漁火特選牛盛薈！
花甲海蝦魚湯火鍋湯底材料非常豐富，包括有超大隻的貴妃蚌、海蝦、魚頭、豆腐、蕃茄等等。
貴妃蚌好大隻，肉質好豐厚，真係第一次食，雖然啲蚌咁大隻，但係食落一啲都唔硬，重點係店舖將啲蚌的肚位清理得非常乾淨，令人食得好安心。
另外，海蝦都有六隻，非常鮮甜彈牙！
豆腐同蕃茄等配料份量都唔少，啲蕃茄仲好甜添！
用咁多海鮮配料滾成的湯底，啖湯當然係相當鮮甜啦！
至於個矜貴嘅牛肉拼盤則主要有：牛頸脊、牛邊位、頂級PRIME牛肉、極品牛舌芯、同埋一口和牛粒。
份量真係King size，足夠四人食，我最鍾意係牛舌芯，好厚切，大大粒，雖然要滾好耐但係食落非常爽口，好有牛味。
牛頸脊嘅好處係滾極都唔會硬，食落口比較軟淋。
牛邊位就相對厚切，唔可以太耐，否則都會有少少硬，但係都好重牛肉味。
頂級PRIME牛肉，肥瘦好均勻，食落有種甘香，好好食！
一口和牛粒，相對比較爽！
個牛盛薈，已經好豐富，所以其他火鍋料都不敢叫太多，只是叫了手打墨魚滑，新鮮鱔片和魚片頭。
手打墨魚滑，話明係手打當然係新鮮、彈牙、煙靱集於一身啦！
鮮白膳片，晶瑩剔透，鮮甜爽滑
黃金魚片頭，爽而彈牙。
飲品叫咗兩渣竹庶茅根，不太甜，又夠凍，非常達到清熱氣作用！
張貼
