更多
2019-07-17
2163 瀏覽
高銀貴為九龍灣嘅甲級寫字樓，入面嘅食肆亦非常高質。今日終於有機會嚟大松日見識一下。大松日主打高質日本料理，店舖面積好大，枱距寬闊，私隱度好高。店內劃分有堂食 、鐵板燒、手握壽司三大區域。今日係部門食飯，所以冇坐吧枱，唔可以近距離接觸到廚師精湛嘅廚藝！有少許可惜 是日嘅精選和御膳套餐$480 - 有6道菜餚加味噌湯、甜品。前菜 - 露筍雜菌，味道清淡，開啟味覺之旅。刺身 - 材料新鮮，三款刺身肉質彈牙，鮮鮮鮮！煮物 - 係季節限定，今日係冬瓜。鰹魚湯嘅味道完全滲透响冬瓜入面，清甜可口。天婦羅 - 有白肉魚、蝦、青辣椒、小黃瓜，配以三款味鹽（抹茶鹽、胡椒鹽、七味鹽）同埋蘿蔔蓉天婦羅汁，完美！薄燒牛肉 - 牛肉入面夾滿蒜蓉＋蔥花，以鐵板燒做法製作，香到不得了！醋物-水雲，甜甜酸酸，化解前幾道菜嘅油膩感。味噌湯 - 減鹹嘅味噌味道清淡，配搭油豆腐皮，口感馬上豐富晒！飲啖湯真係好舒服呀！櫻花蝦土鍋飯 - 蝦乾好香，飯粒軟糯，好似食緊糯米飯咁！甜品 - 是日甜品係黑芝麻雪糕，芝麻味香濃講到服務 - 店員會仔細講解每道菜餚服務有效率之餘又好細心 價格方面，$480一個午餐係有啲奢侈，但久唔久一次令
大松日主打高質日本料理，店舖面積好大，枱距寬闊，私隱度好高。店內劃分有堂食 、鐵板燒、手握壽司三大區域。今日係部門食飯，所以冇坐吧枱，唔可以近距離接觸到廚師精湛嘅廚藝！有少許可惜
是日嘅精選和御膳套餐$480 - 有6道菜餚加味噌湯、甜品。
前菜 - 露筍雜菌，味道清淡，開啟味覺之旅。
刺身 - 材料新鮮，三款刺身肉質彈牙，鮮鮮鮮！
煮物 - 係季節限定，今日係冬瓜。鰹魚湯嘅味道完全滲透响冬瓜入面，清甜可口。
天婦羅 - 有白肉魚、蝦、青辣椒、小黃瓜，配以三款味鹽（抹茶鹽、胡椒鹽、七味鹽）同埋蘿蔔蓉天婦羅汁，完美！
薄燒牛肉 - 牛肉入面夾滿蒜蓉＋蔥花，以鐵板燒做法製作，香到不得了！
醋物-水雲，甜甜酸酸，化解前幾道菜嘅油膩感。
味噌湯 - 減鹹嘅味噌味道清淡，配搭油豆腐皮，口感馬上豐富晒！飲啖湯真係好舒服呀！
櫻花蝦土鍋飯 - 蝦乾好香，飯粒軟糯，好似食緊糯米飯咁！
甜品 - 是日甜品係黑芝麻雪糕，芝麻味香濃
講到服務 - 店員會仔細講解每道菜餚服務有效率之餘又好細心
價格方面，$480一個午餐係有啲奢侈，但久唔久一次令自己開心吓都係好嘅！
張貼
