影片
更多
2012-11-19
14 瀏覽
一路都係做openrice嘅CD-Rom多，今次為咗要讚下呢度其中一個侍應妹妹，真係忍唔住要打爛齋砵寫返幾句！用餐嗰日係我第二次去，係禮拜五，多人等位就梗架喇我同女朋友即興行開，冇預早book位，都等咗成個鐘-.-不過，算啦，之前同朋友夜晚入過去飲野，見到佢裝修幾有格調，而且又係新開，今次就試埋ｄ食物啦，好彩都冇令我地失望！果日嘅晚餐係紅酒牛尾同白汁三文魚蜆肉天使面我哋一樣嗌左一個啦，我覺得牛尾幾入味，同埋唔會太"un"相反天使面就有小小漏喇，最後都食唔晒。anyway la,相對旺角嗰啲樓上cafe呢到算係超水準!呀～～唔記得讚下啲飲品！因為我哋慣左食到一半先嗌飲品既，不過呢到飲品menu原來同食物menu分開，咁我哋點完餐之後侍應好自然就已經收起左個menu.....咁我就舉手想拎啦可惜舉左一陣都好似冇人睇到(定唔知係睇到扮睇唔到-.-) 好...算...食多陣先再嗌。過左10分鐘我再舉手啦，今次好快就有反應應我果個應該係part time黎ga，因為我頭先一路都唔見佢點解我對佢咁有印象呢……因為佢笑得好鬼sweet 我同女朋友其實一路食一路都有留意呢個妹妹,哈哈,女朋友都第一次
用餐嗰日係我第二次去，係禮拜五，多人等位就梗架喇
我同女朋友即興行開，冇預早book位，都等咗成個鐘-.-
不過，算啦，之前同朋友夜晚入過去飲野，見到佢裝修幾有格調，而且又係新開，今次就試埋ｄ食物啦，好彩都冇令我地失望！
果日嘅晚餐係紅酒牛尾同白汁三文魚蜆肉天使面
我哋一樣嗌左一個啦，我覺得牛尾幾入味，同埋唔會太"un"
相反天使面就有小小漏喇，最後都食唔晒。
anyway la,相對旺角嗰啲樓上cafe呢到算係超水準!
呀～～唔記得讚下啲飲品！
因為我哋慣左食到一半先嗌飲品既，不過呢到飲品menu原來同食物menu分開，
咁我哋點完餐之後侍應好自然就已經收起左個menu.....咁我就舉手想拎啦
可惜舉左一陣都好似冇人睇到(定唔知係睇到扮睇唔到-.-) 好...算...食多陣先再嗌。
過左10分鐘我再舉手啦，今次好快就有反應
應我果個應該係part time黎ga，因為我頭先一路都唔見佢
點解我對佢咁有印象呢……因為佢笑得好鬼sweet
我同女朋友其實一路食一路都有留意呢個妹妹,哈哈,女朋友都第一次批准我公然望女仔ja
佢仲同我一齊睇，話佢係全間餐廳最有禮貌，最好笑容，見親佢同其他客講野都彎晒腰笑笑口
呢啲先係今時今日既服務態度牙嘛～～～～～
（如果老闆見到呢個留言唔該高度同我讚揚佢 good good good！）
好啦，咁嗌野飲啦，女朋友乜都想試拿唔定主意就問果個侍應妹妹有咩好飲
平時ｄ侍應通常都只係會講一兩款價錢唔平但大路冇乜特別既飲品
妹妹反而先問我地有冇咩preference (例如咖啡/果汁……)
我就話我聽人話呢到d咖啡好飲，女友就話唔想太heavy
妹妹聽完諗左幾秒就問女友想要熱飲定凍飲,如果熱就ba ba ba，凍就可以試下"鮮打綠茶"，如果鮮打綠茶ok而又想味道特別ｄ就可以試乜乜併咩咩（佢話佢試過覺得好飲）.....
至於咖啡呢，佢就話自己唔係特別"好"咖啡，所以俾唔到專業意見,不過平時d客就多數叫xxx/yyy/zzz，其實我一早心裡有數，哈哈,不過佢又咁啱講中左。
佢好體貼,落單前有問我想要酸豆定甘豆,仲有覆多次單,確保冇錯先行開，雖然呢件事好普通，但正正就係好多侍應都忽晒略ge地方，錯講真唔緊要，你地實會換，但要要好麻煩囉，而家問多句花你10秒8秒，你開心時我開心。
愈打愈長tim....好快完~~
飲品黎啦,女友好滿意佢杯野飲,真係介紹得唔錯,我都覺得ok!
飲埋就埋單走啦,兩個人$250有找..唔計野食,買個侍應妹妹ge態度同笑容都抵!!!
下次會再去,希望見到佢啦^^"
題外話/補充資料：
臨走前有同妹妹傾左幾句,原來佢有full time...返呢到純粹覺得開心,可以減full time壓...哈哈,唔知話佢樂觀好定鐵人好,俾著我就一定捱唔住喇,阿妹你係得ge!!加油 :)唔知你會唔會睇到,不過都希望你可以keep住咁敬業樂業..唔好唔開心喇!!!
(以上食評乃用戶個人意見 , 並不代表OpenRice之觀點。)
張貼