更多
2015-12-01
914 瀏覽
燒肉切雞雙併例牌，中伏喇！切雞全部都係雞翼囉，仲醃得太咸添！肉質硬實實，欠彈性欠鮮味，完全唔似自家製！燒肉又肥又咸又硬，死實既質感、死屍既味道，毫無生氣。同上次既五層樓差天共地，完全兩樣野黎架！以後叫半隻雞、一碟五層樓，哼！浪費左我個寶貴 quota！避風塘炒海中蝦，HKD120 有十幾隻咁多，隻隻炸得香脆，連殼食卜卜脆，微辣惹味。游水蝦蝦肉又鮮又彈、帶香帶甜，夠新鮮點會唔好食！游水生魚兩食，質幾重生魚大大條，即叫即劏游水生魚，起球炒韮菜花、頭骨腩滾芥菜豆腐湯，只需 HKD110乍！生魚球腍得黎有咬口，滑溜多汁，鮮味震撼，好明顯有做開 gym。最衰係韮菜花有渣囉，而且炒老左，味道合格。生魚頭骨腩滾芥菜豆腐湯，滾湯既頭骨腩肉質堅彈堅嫩，點一點生抽，每吋都比我啜得乾乾淨淨。魚菜湯好好飲，不腥不嗅，估你唔到，有驚喜。游水生魚兩食同避風塘炒中蝦非常抵食，價錢合理又好味，推介！
燒肉切雞雙併例牌，中伏喇！切雞全部都係雞翼囉，仲醃得太咸添！肉質硬實實，欠彈性欠鮮味，完全唔似自家製！燒肉又肥又咸又硬，死實既質感、死屍既味道，毫無生氣。同上次既五層樓差天共地，完全兩樣野黎架！以後叫半隻雞、一碟五層樓，哼！浪費左我個寶貴 quota！
避風塘炒海中蝦，HKD120 有十幾隻咁多，隻隻炸得香脆，連殼食卜卜脆，微辣惹味。游水蝦蝦肉又鮮又彈、帶香帶甜，夠新鮮點會唔好食！
游水生魚兩食，質幾重生魚大大條，即叫即劏游水生魚，起球炒韮菜花、頭骨腩滾芥菜豆腐湯，只需 HKD110乍！生魚球腍得黎有咬口，滑溜多汁，鮮味震撼，好明顯有做開 gym。最衰係韮菜花有渣囉，而且炒老左，味道合格。
生魚頭骨腩滾芥菜豆腐湯，滾湯既頭骨腩肉質堅彈堅嫩，點一點生抽，每吋都比我啜得乾乾淨淨。魚菜湯好好飲，不腥不嗅，估你唔到，有驚喜。
游水生魚兩食同避風塘炒中蝦非常抵食，價錢合理又好味，推介！
張貼
