萬芳冰室 (富盈門商場)

今日放假，又去大埔街市買D靚料凖備今晚食餐好既，勞動之前，當然要醫醫肚先啦，街巿熟食市場粉麵食到悶，家姐話行遠少少，朋友介紹左一間茶餐室好好食㗎喎，萬芳冰室，內𥚃裝修有些懷舊風，牆壁上畫了一幅如電影海報的壁畫，好正，未坐下已被鄰枱枱上的一碟炸雞肶飯吸引，好大隻炸雞肶呀！，亞媽已話要食炸肶，不過佢唔想食飯，所以叫左炸雞肶丁麵，家姐就叫左輝哥沙茶小鳳蝦炒飯，而我～！今個星期工作咁辛苦，哈哈哈～！當然要補充吓，所以要左個生炸無啇大雞肶煎蛋飯再加杯忌廉溝鮮奶～！絶配～！😋😋😋😋
炸雞肶要等十多分鐘，返而炒飯先到，個性炒飯好香，帶點點沙茶香，飯粒粒粒分明，乾爽香囗，小鳯蝦彈牙但冇乜蝦味，總括來說好好食！
炸雞肶好大隻，大過我塊面，炸得香硊非常，內𥚃充滿肉汁，配豉油帶點蛋汁白飯，非常正～！
忌廉溝鮮奶，帶來不少兒時記憶～！

1

1

1

1