更多
2019-06-22
409 瀏覽
呢晚約咗家人食生日飯,知道主角鍾意食燒物,於是約咗嚟食串燒。燒超鮮味海螺串嘅螺肉鮮味彈牙,好味! 烤雞腎串爽口無腥味,送酒一流! 燒原隻生蠔鋪咗厚厚嘅蒜蓉燒,不但香口,仲調出蠔嘅鮮味,正! 燒韮菜最怕燒得太乾,呢度嘅火喉剛好,韮菜食落爽脆。燒鹿兒島豚肉串食落 juicy 唔覺肥膩,豚肉充滿油香。串燒义燒肋排粒好惹味,肉質肥瘦適中,醃得入味。鐵板仔汁煎鰻魚幾特別,原塊鰻魚以鐵板熱住上。蒜蓉牛油焗什菌入口滿滿牛油香味,加埋蒜蓉真係絕配。雞軟骨串好脆口,食完一粒又一粒。日式煉奶燒麻糬嘅麻糬外皮微脆,內裡煙煙韌韌,可以點埋煉奶同花生粉同吃,味道更豐富更香。脆脆蜜糖燒香蕉有驚喜,香蕉面加咗啲糖去燒,所以等佢稍為放一陣之後,就會有層焦糖蓋面,而香蕉就暖暖哋,但又唔會燒得過軟,點埋黑朱古力醬或者榛子朱古力醬,真係勁好食呀! 雪梨紅棗桃膠糖水係店家送嘅,估唔到有桃膠咁落本,食完一輪燒物,再食返碗糖水潤返,熱氣全消。
燒超鮮味海螺串嘅螺肉鮮味彈牙,好味!
烤雞腎串爽口無腥味,送酒一流!
燒原隻生蠔鋪咗厚厚嘅蒜蓉燒,不但香口,仲調出蠔嘅鮮味,正!
燒韮菜最怕燒得太乾,呢度嘅火喉剛好,韮菜食落爽脆。
燒鹿兒島豚肉串食落 juicy 唔覺肥膩,豚肉充滿油香。
串燒义燒肋排粒好惹味,肉質肥瘦適中,醃得入味。
鐵板仔汁煎鰻魚幾特別,原塊鰻魚以鐵板熱住上。
蒜蓉牛油焗什菌入口滿滿牛油香味,加埋蒜蓉真係絕配。
雞軟骨串好脆口,食完一粒又一粒。
日式煉奶燒麻糬嘅麻糬外皮微脆,內裡煙煙韌韌,可以點埋煉奶同花生粉同吃,味道更豐富更香。
脆脆蜜糖燒香蕉有驚喜,香蕉面加咗啲糖去燒,所以等佢稍為放一陣之後,就會有層焦糖蓋面,而香蕉就暖暖哋,但又唔會燒得過軟,點埋黑朱古力醬或者榛子朱古力醬,真係勁好食呀!
雪梨紅棗桃膠糖水係店家送嘅,估唔到有桃膠咁落本,食完一輪燒物,再食返碗糖水潤返,熱氣全消。
張貼