金鶴拉麵 (蜆殼街)

營業中

休息中

最近真的好忙好忙，忙完過後當然要對自己好啲，所以約朋友食飯吹下水。我倆都愛食日本料理，見天后開了新的拉麵店，所以就試下啦！一進店內就覺得自己去了日本的拉麵店，店內裝潢花了不少心機，有一幅長長的金鶴畫，配上柔和的音樂，都幾有feel。筷子好可愛，兩頭都尖尖的！一看餐牌就見到其間限定的「北海道極濃海老拉麵」，聽說每日限定十碗呢！所以立即點了。蝦湯真的名副其實極濃，除了一隻大海老，仲有好多小櫻花蝦仔，啖啖蝦味，encore指數好高！不過如果可以多一隻蝦就好啦另外點了極濃雞白湯拉麵🍜。第一次食雞湯拉麵，真的眼前一亮！看落好豪華，有兩片慢煮雞、一片叉燒、半個溏心蛋、一絲絲牛蒡配上極濃雞湯，幾吸引！雞湯好濃，啖啖骨膠原，哈哈！愛美人士推薦！慢煮雞亦是第一次食，好滑、好嫩，食完兩塊仲想食。下次可以點四片都是慢煮雞。拉麵加牛蒡都是第一次，牛蒡好脆，仲好長添。雖然放在麵中會慢慢林了，但味道都唔錯。建議盡快食完牛蒡。餐廳另一推介是活燒鰻魚飯，見到好想食，但第一次食這間店，所以先試拉麵，下次試吧！仲有一張做會員單張，可以即換溏心蛋。不過今日中午已食了兩隻蛋，所以下次先換。