影片
更多
2024-09-16
3517 瀏覽
人生第一次寫食評。諗住簡單一食餐米線🍜，點知可以咁不愉快。在內地食過一次曾三仙，覺得唔錯。今日約咗朋友食lunch，一齊試吓太子新開張分店。店舖環境衞生光猛，手機落單。我同朋友各order 一個米線同一個茉莉茶。order 個時唔記得問茶是否有糖，飲完一啖，覺得太甜，問店員可否加水或冰，對方話所有飲品已密封。唔緊要，自己疏忽，拎返公司先加水。我自己食個藤椒蟹滑米線，雖然無內地版咁好食，不過都可以嘅。但係朋友食咗幾啖之後，突然叫頭先個店員：「靚女，個酥肉好多粉，同埋全部都肥膏，可唔可以換第二樣？」個店員一開口真係好得人驚，大大聲話：「我哋煮嗰陣，唔會挑肥，個個客叫完唔鍾意食就換仲得掂？」 我即刻話算啦，唔緊要。於是我影咗朋友碗米線同埋牆上餐牌，諗住寫食評。點知我差不多食完之後，同一個店員（應該係該店店長）係我身邊大大聲：「媽咪，你認住呢枱，佢哋影相，陣間．．．」我問佢咩事，點解好似恐嚇我咁。我話你要講唔需要係我隔離大大聲，影響我食嘢。佢一輪嘴鬧話見到我影相，我話我只係影餐牌同自己碗米線，冇影人，有乜問題。佢話你咪寫openrice 囉！我閉路電視影哂你個樣！你唔好侵犯到私隱！之後店長媽媽
在內地食過一次曾三仙，覺得唔錯。今日約咗朋友食lunch，一齊試吓太子新開張分店。
店舖環境衞生光猛，手機落單。我同朋友各order 一個米線同一個茉莉茶。order 個時唔記得問茶是否有糖，飲完一啖，覺得太甜，問店員可否加水或冰，對方話所有飲品已密封。唔緊要，自己疏忽，拎返公司先加水。
我自己食個藤椒蟹滑米線，雖然無內地版咁好食，不過都可以嘅。但係朋友食咗幾啖之後，突然叫頭先個店員：「靚女，個酥肉好多粉，同埋全部都肥膏，可唔可以換第二樣？」
個店員一開口真係好得人驚，大大聲話：「我哋煮嗰陣，唔會挑肥，個個客叫完唔鍾意食就換仲得掂？」
我即刻話算啦，唔緊要。於是我影咗朋友碗米線同埋牆上餐牌，諗住寫食評。點知我差不多食完之後，同一個店員（應該係該店店長）係我身邊大大聲：「媽咪，你認住呢枱，佢哋影相，陣間．．．」
我問佢咩事，點解好似恐嚇我咁。我話你要講唔需要係我隔離大大聲，影響我食嘢。佢一輪嘴鬧話見到我影相，我話我只係影餐牌同自己碗米線，冇影人，有乜問題。佢話你咪寫openrice 囉！我閉路電視影哂你個樣！你唔好侵犯到私隱！
之後店長媽媽走過來執嘢，我話你個女啲態度，真係好差。佢媽媽同我哋道歉，話佢之前有啲客亂嚟，所以佢嗰女先咁敏感。我話希望佢哋改善下。
真係從來未試過咁樣…其實食物係其次，唔換ok的，不過唔好咁惡死，咁樣鬧客人，我哋都係食個lunch 啫⋯⋯
香港餐飲業寒冬，估唔到會有人咁樣做生意，希望改善下啦⋯⋯
張貼
