更多
2018-11-12
495 瀏覽
今日去完灣仔放工,又周圍睇吓有咩食。太太話想食好西,我又變得好驚慌....一路行去銅鑼灣就一路上網睇吓有咩好食,點知俾我見到有間餐廳座爆人,就即刻飛身入去問有冇位。好彩仲有兩個位冷熱頭盆都係百零蚊,唔太貴放工開支酒飲吓都幾爽㗎~宜家當造嘅南非/愛爾蘭/西班牙生蠔,都可以食到。每粒都好爽口,厚肉!除咗好新鮮之外啲蠔仲好抵食,因為開咗支酒生蠔都有60%Discounts, 所以除開都係30幾蚊隻,抵食過自己買。阿根廷紅蝦三文魚籽海膽,將我最鍾意嘅刺身一啖食晒真係好感動,紅蝦肉質較漿口較甜,食到有淡淡嘅海水味嘅海膽,最後到醃製過三文魚籽加紫菜碎。呢個配搭肥仔勁喜歡。仲有呢個魚籽蟹肉牛油果凍盆!面層係咸香味較重嘅魚籽,中層係蟹肉,最後係牛油果。用忌廉做底,因為魚籽嘅咸香味變得分怖平均。熱盆就有木魚花帶子,用新鮮帶子所以鮮味好重,香煎過嘅帶子外皮帶點金黃色加拿大天然豬胺,估唔到小店嘅餐廳,都咁重視食物,因為好多地方都話係燒,但其實係煎出嚟。豬胺散發出香濃嘅炭燒味,切落一啲都唔乾,肉汁慢慢滲出嚟,食落嫩口。到甜品,仲誇張,一舊香蕉拖肥撻,點睇都覺得甜到7彩,但係呢間餐廳竟然做到唔太甜,半溶嘅拖肥加
冷熱頭盆都係百零蚊,唔太貴
放工開支酒飲吓都幾爽㗎~
宜家當造嘅南非/愛爾蘭/西班牙生蠔,都可以食到。每粒都好爽口,厚肉!除咗好新鮮之外啲蠔仲好抵食,因為開咗支酒生蠔都有60%Discounts, 所以除開都係30幾蚊隻,抵食過自己買。
阿根廷紅蝦三文魚籽海膽,將我最鍾意嘅刺身一啖食晒真係好感動,紅蝦肉質較漿口較甜,食到有淡淡嘅海水味嘅海膽,最後到醃製過三文魚籽加紫菜碎。呢個配搭肥仔勁喜歡。
仲有呢個魚籽蟹肉牛油果凍盆!面層係咸香味較重嘅魚籽,中層係蟹肉,最後係牛油果。用忌廉做底,因為魚籽嘅咸香味變得分怖平均。
熱盆就有木魚花帶子,用新鮮帶子所以鮮味好重,香煎過嘅帶子外皮帶點金黃色
加拿大天然豬胺,估唔到小店嘅餐廳,都咁重視食物,因為好多地方都話係燒,但其實係煎出嚟。豬胺散發出香濃嘅炭燒味,切落一啲都唔乾,肉汁慢慢滲出嚟,食落嫩口。
到甜品,仲誇張,一舊香蕉拖肥撻,點睇都覺得甜到7彩,但係呢間餐廳竟然做到唔太甜,半溶嘅拖肥加埋忌廉香蕉,呢個一定要留肚食
報告完畢!
張貼