越旺美食 (已搬遷) 新店位置

因為早餐食得太飽，所以lunch 想食返d 酸甜開胃既野。去左越旺買左個香茅豬扒撈檬配紅豆冰，$36.80。一打開個盒（圖1),第一個問題就係，究竟點食。正常餐廳會用個碗裝住，但呢間唔知點解係攞盒裝，之後唯有將d 豬扒放係個蓋上面（圖2)。豬扒有一大塊，仲有好多配料，包括，炸蒜，花生粒，甘荀絲，芽菜，油蔥，配埋撈檬汁。味道正常，但會有少少油，可能件豬扒同油蔥既關係。杯紅豆冰D 紅豆都幾大粒幾多，而又幾香甜，不過就痴埋一舊唔係粒粒分明。