好在香港都有高質素嘅鐵板燒餐廳，
餐廳裝修新淨，座位寬敞舒適，
選定咗Dinner Set，餐廳就開始慢慢上菜，
火炙鰹魚青木瓜沙律
沙律有火炙鰹魚、蘆筍、沙律菜、青木瓜、羽衣甘藍和車厘茄，鰹魚火炙過特別香，沙律菜也很新鮮爽脆，配上柚子沙律汁，味道酸酸甜甜好開胃，
日本帆立貝
帆立貝上面係三文魚籽，再上面係食用紫蘇花，下面湯汁係鰹魚汁，帆立貝好厚身，厚肉鮮甜，煎過，配埋鰹魚湯汁，味道更惹味，又不會過鹹，
日本粒貝
粒貝味道鮮甜，口感爽脆，配嘅係日本雞冠海草，雞冠海草冇乜味道，但配搭粒貝一齊食，口感就會更豐富，
瀨尿蝦配南非活鮑魚
南非鮑魚
南非孔雀鮑魚，超大隻，一斤三頭，右邊嘅係鮑魚肝臟，比較濃味，建議後食，
配菜有三文魚籽，同埋紅綠雞冠草，醬汁係海苔忌廉汁，
鮑魚鮮甜彈牙，厚身啖啖肉， 沾些海苔忌廉汁，有紫菜的香味，
坦白講即使不沾任何醬汁，這隻鮑魚實在新鮮，就咁食都鮮甜彈牙，勁好食！
斑馬瀨尿蝦
沙巴斑馬瀨尿蝦，好大隻，上面有一朵可供食用嘅玫瑰花，瀨尿蝦好多肉，肉質好嫰滑，超鮮甜，
香煎法國鴨肝配無花果意大利黑醋汁，
鴨肝煎到啱啱好金黃色，師父一路煎，一路聞到好香，切開發現鴨肝外脆內嫰，配青蘋果和黑醋汁同吃，可解油膩感，正！
1
熊本縣A5和王牛煙燻厚燒配翠玉瓜,南瓜,大啡菇
厚燒牛揀咗7成熟，配菜有翠玉瓜、南瓜和大啡菇，配有竹炭鹽、炸蒜片、芥辣和田樂醬，師傅用嘅煙燻木系櫻桃木，
粉紅色的和牛，好juicy，外面金黃香脆，但裏面粉嫩有肉汁，非常稔滑，即使不蘸竹炭鹽或蒜片同吃，味道仍然充滿脂香，超正！
清酒煮蜆湯
清酒煮蜆，配有本菇同埋水菜，餐廳好細心，會特登俾隻碟你放殼，等你可以方便啲飲到啲湯，個湯除咗有水菜，仲有海藻，湯清鮮甜，蜆肉大隻彈牙，
海膽烏魚子炒飯
炒飯夠乾身，粒粒分明，海膽和烏魚子的份量很多，每一口的配料也很豐富，
凍檸水&生薑雪糕
生薑雪糕很特別，除了有薑的香味外，雪糕也不會過甜，為今晚這頓晚飯畫上一個完美的句號。
總結：
餐廳主打高級鐵板燒，食材新鮮高質，師傅亦處理得宜，座位寬敞舒適，侍應招呼亦殷勤有禮，好適合情侶拍拖食飯，或朋友聚會聊天。
