Wheatfield X 羅宋湯專門店 (MOKO新世紀廣場) (已結業)

根據佢地既IG簡介，呢間餐廳係麥田廚房既分支，希望將傳統（上海）海派羅宋湯發揚光大。我地叫左以下套餐：🍜全日自選湯麵套餐 $8️⃣2️⃣隔離位叫呢個套餐，包括 麵+湯（4選1) +小食。先講優點，套餐都幾大份，特別係羅宋湯既牛腩，好似唔駛錢咁，大大舊，飲完碗湯渣其實都飽，but...牛腩煲過湯後硬到牙都痺😵‍💫神奇地， 碗湯落左咁多料都咁清淡，我覺得味道偏港式羅宋湯再淡少少～加$12 蚊轉小食薄牛扒🥓少少油但味道唔錯，比起牛腩嫩滑多了～🍔廚師推介套餐 $8️⃣8️⃣套餐係湯+豬仔包。為左介紹更多野食，我叫左紅菜頭湯+咸牛脷豬仔包。紅菜頭既味道都係偏淡，好彩無咁多湯渣🤭估唔到豬仔包幾大份，味道可以，如果無咁多沙律醬更好。如果標榜羅宋湯專門，未免有啲失望。