今次要左有幾款唔同脆餅嘅併盤，每一款都好好食，味道好正宗。脆餅配上乳酪同醬汁，加上脆脆、番石榴籽薯仔等，唔同嘅味道口感mix 埋好開胃，成碟食晒都得。
主菜要左印度三文治，份量大，本身仲諗住嗌多啲其他嘢食，見到咁大份就决定留翻下次。餡料係香料薯仔，蕃茄生菜等等，好似公司三文治，但有薯仔就更加飽肚，面頭仲有好多芝士，係唔錯嘅。
另外要咗兩杯嘢飲，一杯係mango Lassi，芒果味香濃，足料，比較傑身，特別係佢仲落左fennel seeds ，比平時嘅多左陣香料味。另一杯係印度檸檬梳打，有分甜鹹同埋混合版，揀咗個混合，飲落都少少鹹，好似鹹柑桔咁，想像唔到如果全杯都係鹹嘅會係咩感覺，檸檬味半真半假，氣泡就唔算多，不過又幾夾啲食物。
好人好事：mango lassi 隻杯上重下輕，嗰日飯左兩啖都唔夠就唔小心倒瀉咗，諗緊如果要叫多杯好似唔抵。正當好傷心嗰時，應該係老闆嘅，好好人咁再比過杯我地，仲話唔使再收我地多一杯嘅價錢🥹圖中就係倒瀉左嘅lassi
